• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:10:01
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

24 Tamyz, 2019 Atyraý oblysy

Atyraýda tamyz konferensııasy ótti

23 tamyzda Atyraý oblysynyń ákimi Nurlan Noǵaevtyń qatysýymen pedagogıkalyq qyzmetkerlerdiń dástúrli tamyz konferensııasy ótti, – dep habarlaıdy Atyraý oblysynyń óńirlik kommýnıkasııalar qyzmeti.

Oblystyq Bilim berý basqarmasy basshysynyń m.a. Jansulý Tóremuratovanyń málimeti boıynsha, búginde oblysta 47 237 sábıdi qamtıtyn 325 mektepke deıingi bilim berý uıymy qyzmet etedi. 2018-2019 oqý jyly 7 balabaqsha iske qosylǵan. Jańa oqý jyly qarsańynda 1744 orynǵa eseptelgen 5 mekteptiń qurylysy aıaqtalyp, iske qosylady. 4190 oryndyq taǵy 11 mekteptiń qurylysy júrýde.

– Pedagog kadrlarymen qamtamasyz etý áli de ózekti másele bolyp tur. Búginde oblys mektepterinde 472 muǵalim jetispeıdi. Jaratylystaný-matematıkalyq sıkliniń pedagogtary, bastaýysh klasstardyń muǵalimderi jáne orys tilinde oqytatyn mektepterge orys tili men ádebıeti pániniń oqytýshylary kerek. Sońǵy úsh jylda oblys ákimdigi bilim berý granttaryn, sonyń ishinde, pedagogıkalyq mamandyqtar boıynsha granttar bólip keledi. О́kinishke oraı, orys tili men ádebıeti jáne bastaýysh klass muǵalimi mamandyqtary boıynsha oqýǵa nıet bildirýshiler bolmaı tur, – dedi Jansulý Tóremuratova.

Bilim berý basqarmasynyń basshysy, sondaı-aq, ınklıýzıvti bilim berýdi engizý, oqýshylardy kásibı bilim alýǵa tartý jumystary týraly baıandady, bilim berý salasynyń problemalary jáne olardy sheshý joldary týraly aıtty. Máselen, jańa obektilerdiń qurylysy mektepterdegi úsh aýysymdyq oqytý máselesin sheshýge jáne balabaqshalarǵa kezekti azaıtýǵa múmkindik beredi.

Atyraý oblysynyń ákimi Nurlan Noǵaev óńirdiń pedagogtar qaýymdastyǵyna jańa oqý jylynda sáttilik tilep, oblystyń bilim berý salasynyń jetistikteri men problemalary týraly óz oıyn aıtty. 

f

–  Adam balalyq shaǵynan bastap, balabaqshada, mektepte, orta jáne joǵary oqý oryndarynda alǵan biliminiń arqasynda qoǵamǵa ıkemdelip, óz ornyn tabady. Sondyqtan sizderdiń qyzmetińiz, pedagogtyń eńbegi árbir adam úshin, búkil memleket úshin mańyzdy, – dedi N.Noǵaev. – Laıyqty bilim alý adam úshin óte mańyzdy ekeni anyq. Ony ıgi maqsatqa qoldana bilý de mańyzdy. Sońǵy on jylda bilim berýdiń mazmunynda sapalyq ózgerister boldy. Oqytýdyń jańa tehnologııalary, túrleri paıda boldy. Sondyqtan, aǵa býynnyń tájirıbesin paıdalana otyryp, oqytý úderisine jańa, zamanaýı tásilderdi engizý qajet.

Memleket bilim berýge zor kóńil bólip otyrǵanyn óńir basshysy atap ótti. Atyraý oblysynda tek bıylǵy jyly 12 mektep, 4 balabaqsha, 3 kolledj, 4 mektepke deıingi shaǵyn ortalyqty kúrdeli jóndeýge 2,5 mlrd. teńgeden astam qarajat bólindi.

Búgingi kúni oblysta 11 mekteptiń jáne 11 balabaqshanyń qurylysy júrgizilýde. MJÁ aıasynda taǵy 9 balabaqsha salý josparlanǵan.

– Bunyń barlyǵy sapaly bilim berýge qol jetkizýge baǵyttalǵan. Jas býyn sapaly bilim alyp, básekege qabiletti bolýy tıis. Qazir bizdiń oqýshylarymyz halyqaralyq jáne respýblıkalyq olımpıadalarda laýreat atanyp, jeńimpaz bolyp júrgenine kýámiz. Bul aldymen, sizderdiń eńbekterińiz, qurmetti ustazdar. Jaǵdaı jasaýdy qajet etetin taǵy bir baǵyt – ınklıýzıvti bilim berý. Búgingi tańda oblystyń oqý oryndarynda bilim alyp jatqan 700 baladan basqa, taǵy 6 myńnan astam erekshe balalarǵa bilim alý úshin jaǵdaı jasaý qajet. Osy boıynsha jumys jasaımyz, – dep atap ótti Nurlan Noǵaev. 

Oblys ákimi mektep ashanalaryndaǵy tamaqtandyrý máselesine de toqtap ótti.

– Usynylatyn tamaqtyń sapasy boıynsha ata-analar tarapynan kóp kinárat qoıylady. Buryn da aıtylǵandaı, bul máseleni sheshý úshin qoǵamdy, úkimettik emes uıymdardy, ata-analardyń ózderin tartý qajet, ıaǵnı qoǵamdyq baqylaý kerek. Kez kelgen ýaqytta olar tamaqtandyrý qyzmetin usynyp otyrǵan kásipkerdi teksere alady, biz oǵan qarsy emespiz. Sebebi, memleket aıtarlyqtaı qarajat bólip otyr, sondyqtan, bıýdjet qarajatynyń tıimdi paıdalanylýyna baqylaý júrgizý qajet, – degen pikir bildirdi N.Noǵaev.

Ýaqyt toqtaýsyz jyljyp, ómir udaıy ózgerip otyratynyn aıtqan oblys ákimi, pedagogtardy soǵan sáıkes biliktiligin artyryp, jańa bıikterge umtylýǵa shaqyrdy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir