Turǵyndardyń shaǵymdary boıynsha belsendi jumys jasalady

24 tamyz senbi kúni, Atyraý oblysynyń ákimi Telegram-daǵy "Atyraý oblysy əkimdiginiń" chat-kanalyna turǵyndardan kelip túsken saýaldar boıynsha, qalany aralady, – dep habarlaıdy Atyraý oblysynyń О́ńirlik kommýnıkasııalar qyzmeti.

Búgingi kúnge deıin chat-kanalǵa 10 myńnan astam turǵyn tirkelip, chat ashylǵannan beri 6500 suraq qoıylǵan. Turǵyndar qoıǵan saýaldarǵa oblys ákiminiń ózi jáne barlyq memlekettik mekemeler basshylary tikeleı jaýap berýde.

Aralaý barysynda Nurlan Noǵaev turǵyndardyń chat-kanalda apatty jaǵdaıdaǵy úılerdiń məselesi boıynsha qoıǵan saýaldaryna baılanysty Azattyq kóshesindegi apatty úılerge bardy. Qalalyq TKSh bólimi mamandarynyń aıtýynsha, bul úıler apatty úılerdiń tizimine engen. Kezek boıynsha apatty úıler qıratylyp, turǵyndarǵa jańadan úıler beriletin bolady.

Aıta keteıik, búgingi tańda Atyraý qalasy boıynsha apatty jaǵdaıda 71 turǵyn-úı men 12 jataqhana bar. Osy máseleni sheshý baǵytynda qazirgi tańda "Nýrsaıa" jáne "Bereke" yqshamaýdandarynda kópqabatty turǵyn-úılerdiń qurylysy júrip jatyr. Munda eń birinshi 12 jataqhananyń turǵyndary kóshiriletin bolady.

Sonymen qatar, Telegram-chatqa kelip túsken saýaldardyń biri eski býlaý-tazalaý stansııasyna baılanysty. Saýaldy joldaǵan Atyraý qalasynyń turǵyny Tanat Nurymov. Turǵynnyń aıtýynsha, kezinde vagon sısterna ishindegi munaı qaldyqtaryn tazalaıtyn bul stansııanyń jumysy 2006 jyly sottyń sheshimimen toqtatylǵan. Degenmen, jumys toqtatylǵannan keıin, bul jerdegi munaı qaldyqtary tolyq jınalmaǵan. Osy máselege qatysty oblys ákimi Nurlan Noǵaev ózi sol jerge jeke baryp, bul istiń qadaǵalanýyn prokýrorǵa tapsyrdy.

– Barlyq memlekettik mekemeler basshylary əleýmettik jelidegi turǵyndardyń saýaldary boıynsha belsendi túrde jumys jasaýlary qajet, – deıdi Nurlan Noǵaev. – Memleket basshysy halyqpen baılanys ornatý úshin naqty tapsyrmalar berdi. Sol tapsyrmalardy oryndaý úshin bizde barlyq jaǵdaı qarastyrylǵan.

Oblys ákimi aralaǵan kelesi nysan "Aıala" áleýmettik ońaltý ortalyǵy. Bul ortalyq qaladaǵy damýynda túrli buzylystary bar jáne taǵy da basqa aýytqýy bar balalarǵa arnalǵan. Ortalyqtyń basshysynyń aıtýynsha, jylyna 500-deı balany qabyldaı alatyn bul ortalyqta tuzdy saýna, basseın, massaj syndy barlyq jaǵdaılar jasalatyn bolmaq. Aımaq basshysy bul ortalyqtyń qalamyzǵa kajetti nysan ekenin aıtyp, jumystaryna sáttilik tiledi.