• USD 468.56

  • EUR 497.56

  • RUB 7.3

  • CNY 67.18

29 Naýryz, 13:00:50
Almaty
+35°

25 Tamyz, 2019 NEWS

"Arnaýly avtobaza" JShS-na qoqysty ýaqytyly shyǵarý jumystaryn kúsheıtý tapsyryldy

Keshen jylyna 100 000 tonnaǵa deıin turmystyq qatty qaldyqtardy suryptaýǵa eseptelgen.

Atyraý oblysynyń ákimi qaladaǵy nysandardy aralaý barysynda, "Arnaýly avtobaza" JShS qarasty qoqys polıgonyna baryp, jumys barysymen tanysty, – dep habarlaıdy Atyraý oblysynyń О́ńirlik kommýnıkasııalar qyzmeti.

"Arnaýly avtobaza" JShS ókilderiniń aıtýynsha, jeke ınvestorlardyń qarajatyna salynǵan qoqys suryptaý kesheninde aralas, bólek jınaý, kommýnaldy qatty turmystyq qaldyqtardy tasymaldaý jáne qoqysty qaıta óńdeý jumystary júrgizilýde.

Aıta keteıik, keshen jumysy barysynda akvatorııaǵa tehnıkalyq shyǵaryndylar shyǵarylmaıdy, bul jobany iske asyrý sanıtarlyq jəne ekologııaǵa zııan keltirmeıdi dep aıtýǵa negiz beredi. Suryptaýdyń arqasynda alynǵan qoqys keıinnen QR men TMD-da óńdeledi.

Keshen jylyna 100 000 tonnaǵa deıin turmystyq qatty qaldyqtardy suryptaýǵa eseptelgen. Bul óz kezeginde polıgondaǵy qoqys sanyn aıtarlyqtaı azaıtýǵa kómektesedi. Keshenniń ashylýynda 35 jańa jumys orny ashyldy.

Oblys ákimi polıgondaǵy órtterdiń aldyn alý jumystarynyń mańyzdylyǵyn atap ótti. Sondaı-aq, turǵyndarmen tyǵyz jumys jasaý qajettigin atap ótti.

– Biz búginde qarqyndy jumys júrgizilip jatqanyn kórip otyrmyz. Jalpy kásiporyn durys baǵytta júmys jasaýda. Qoqys suryptaıtyn keshenniń qurylysyna ınvestorlar qarjysyn bólip, saldy. Búginde polıgonda órt oqıǵasyn oryn alýǵa jol berilmeýde. Bul jaqsy jetistik, – dedi Nurlan Noǵaev. – Biraq, qoqysty ýaqytynda shyǵarýǵa kóp kóńil bólý qajet. Biz turǵyndardyń qoqys konteınerlerine qurylys jáne jeke qaldyqtardy tastaıtyndyqtaryn, sizderdiń olardy kədege jaratýmen aınalyspaıtyndyqtaryńyzdy bilemiz. Degenmen, halyq budan zardap shekpeýi kerek. Qoqysty ýaqytynda shyǵarý – sizderdiń negizgi mindetterińizdiń biri, oǵan barynsha kúsh salý qajet.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir