Nurlan Noǵaev qasaqana tólemeýshilerden alıment óndirip alý jumysyn kúsheıtýdi tapsyrdy

О́ńirde alıment tóleýge mindetti 6 494 adam bar. Olardyń ishindegi problemalyq tólemeýshiler sanatyndaǵy 302-i, negizinen, jumysqa ornalaspaǵan, asosıaldy ómirge daǵdylanyp ketkender. Al, qasaqana tólemeýshilerdiń boryshtary birneshe mıllıon teńgege deıin jetýi múmkin.

– Qasaqana tólemeýshilerdiń famılııalary bar tizimderde alımentterdiń somalary da kórsetilgen. Kóbiniń boryshy eki mıllıonnan úsh mıllıon teńgege deıin quraıdy. Iаǵnı, birneshe jyl boıy tólemegen. Bul durys emes. Árbir er azamat óziniń balalary úshin jaýapty bolýy tıis. Árıne, keıde nekeni saqtap qalý múmkin bolmaı jatady. Alaıda, bul óziniń balasyna qamqorlyq jasaýǵa kedergi bolmaýy tıis, – dedi óńir basshysy Nurlan Noǵaev. – Eresek adamdardyń araqatynasy qalaı qalyptassa da, balalar odan zardap shekpeýi tıis. Úı-kúıi, mashınasy bar, jaǵdaıy jaqsy adamdar túrli otbasyndaǵy birneshe balasynan qashqaqtap júrý faktileri de kezdesedi. Sot oryndaýshylar bundaılardy jaýapkershilikke, sonyń ishinde, qylmystyq jaýapkershilikke tartýy tıis. Alaıda, ómirde bári oıdaǵydaı bola bermeıdi. Jekemenshik sot oryndaýshylardyń Respýblıkalyq palatasy basqarmasynyń tóraǵasy Ernar Ibraevtyń habarlaýynsha, búgingi kúni ákimshilik hattama jasaý úshin boryshkerdi keltirýde polısııa organdary tarapynan naqty qoldaý bolmaı tur. Boryshkerlerdi ákimshilik jaýapkershilikke tartýdaǵy negizgi problema – olardyń sot oryndaýshylarǵa kelmeýi, naqty turyp jatqan mekenin jasyrýy, boryshkerdiń tirkelgen meken-jaıynda bolmaýy.

– Memlekettik organdardyń árketteriniń úılespeýshiligi nátıjesinde qoǵamda sot aktisi men ol úshin jaýapkershilik boryshkerge emes, sot oryndaýshyǵa júkteledi degen teris uǵym qalyptasqan. О́ndirip alýshylar ádilet organdarymen, prokýratýramen jyldar boıy nátıjesiz hat almasýǵa májbúr. Bul bılik ınstıtýttaryna degen senimsizdik týyndaýyna yqpal etedi, – dedi Ernar Ibraev.

Nurlan Noǵaev atap ótkendeı, óńirde problemalyq alımentterdiń sanyn, tıisinshe, áleýmettik shıelenisti azaıtý, kámeletke tolmaǵandardyń alıment tólemderin alý quqyǵyn qamtamasyz etý úshin barlyq múddeli memlekettik organdardyń birlesken kúsh-jigeri qajet.

– Sizder birigip, birlese jumys isteýlerińiz qajet. Bastaryń birikpeı, nátıje bolmaıdy, jumysty retke keltirýdi tapsyramyn. Alıment tólemeıtinderge qarsy qylmystyq is qozǵańdar, olardyń mashınalaryn tárkileńder, basqa da sharalar alyńdar. Jekemenshik sot oryndaýshylardy yntalandyryńdar. Múmkin, alımentin tólegen árbir adam úshin syıaqy berý qajet shyǵar. Alıment almaıtyn jalǵyzbasty analardyń qalaı ómir súrip jatqanyn kórińizder. Sizderdiń jumystaryńyz olardyń bolashaǵyna da yqpal etedi. Adamdar sizderdiń jumystaryńyzdyń naqty nátıjesin kórip, sezinýi tıis, – dep túıindedi oblys ákimi.