• USD 468.56

  • EUR 497.56

  • RUB 7.3

  • CNY 67.18

29 Naýryz, 01:36:36
+35°

28 Tamyz, 2019 Aıtty-eı, baýyryń!

"Nege osynsha daýryqpa, sóz qýǵysh, arzan halyq boldyq?"

Tym arzandap kettik. Sóz qýǵan, kóp sózdi, myjyń bop ketken sekildimiz.

Kezinde 2016 jyly, týra jer mıtıngisi kezinde Qaraqat Ábildına Qydyrálige "toqal áperem" dep shýlatty. Barlyq jurt shynymen úsh kún shýlady.Keıin, Qydyráli: "Jer mıtıngisinde halyq nazaryn qalaı durys bólýge, kóterilistiń aldyn alýǵa bolady?" dep túnimen uıyqtaı almaı shyǵyp, táńerteń osy aqyldy taýyp, Qaraqatqa jazǵyzyp, bir búliktiń aldyn alyp qaldym, - dep jyrtylǵan edi.

Ol kezde de jappaı shýladyq, kúldik, synadyq, basyldyq. Sol kezde Qydyrálini "qyzyq adam eken, jurt aldanatyn bala ma edi?" dep kúlgen edim. Sóıtsem onyki ras eken. Kóz jetti. Bolmaıtyn usaq-túıekke shýlaı beretin qaýymǵa aınalyp ketippiz.

Odan keıin de qanshama ret bolmaıtyn dúnıelerge shýlap, bolmaıtyn bireýlerdiń "haıpine" taıyp jyǵylyp jattyq. Sózin tolyq aıta almaıtyn alqashtan juldyz jasadyq. Jalańashtan kósem jasadyq.

Ánshi men shoýmenniń ishkeni men jegenin ańdyp, BAQ bolsa biraz ánshiniń attap basqanyn baǵyp ketti. Eki sıyr eki kúndik shoý. Konteksten julynyp alynǵan áldebir juldyzdyń bir sózin bes kún talqylaımyz. Bireý jyltyr sóılese kósem jasap, bireý súrinse taǵdyr talqylaımyz. Ne degen arzandyq dep oılaımyn.

Ǵylym qaıda, bilim qaıda, ekonomıka qaıda, álem qaıda ketip bara jatyr? Olarǵa jasalǵan saraptamaǵa pikir bildiretin adam da neken saıaq. О́remiz qoı men toıdan aspaı jatyr.

Dál sizder eki sıyr men seksen ekidegi aǵamnyń toıyn talqylap jatqanda, Bilim jáne ǵylym mınıstrligi bilim jáne ǵylym salasynyń 2020-2025 jyldarǵa arnalǵan baǵdarlamasyn jasaıtyn komıssııa quramyn bekitti. Ishinde kileń bastyq, shýlaǵan belsendi qaýymdy da, bilikti ustazdaryńyzdy da aınalyp óte shyqty. Sebebi, olar da biledi, bizdiń balanyń bolashaǵynan da "qyzyq" dúnıeni talqylap, máz bolyp jatqanymyzdy. Al, erteń baǵdarlama qabyldanyp ketken soń, qylyshymyzdy b*qqa shaýyp alqynamyz, jerden alyp, jerge salamyz, biraq, búgingi ózimizdi umytamyz ol kezde...

Jaqsy, bilim baǵdarlamasyn komıssııa qura bersin, ony talqylamasańyzdar, búgin prezıdent Qasym-Jomart Toqaev premer, mınıstrlerdi orynbasarlarymen qosa jınap alyp, Qazaqstan Respýblıkasynyń 3 jyldyq bıýdjetin bekitip jatyr. "Negizsiz ımıdjdik shyǵyndardy azaıtamyz, negizgisin qaldyramyz" deıdi. Bul da qyzyq emes bizdiń jurtqa, salyq tóleýshiniń qaltasynan, ata-babań qorǵap ketken daladaǵy baılyqtyń qalaı jumsalýy da qyzyqtyrmaıdy. Biraq, erteń "úkimet bos shyǵyn shashty" dep taǵy da jatyp kep shýlaımyz, alaqan jaıyp, suranshy dep kinalaǵandaryna múmkindik beremiz. Qyzyq halyqpyz ıá?

Nege osynsha daýryqpa, nege osynsha sóz qýǵysh, nege osynsha arzan halyq boldyq?

Nurǵalı Núsipjanov úılense ne bopty? Bir ánshi toqal alsa ne bopty, bir ánshi túski asyn dalada jese ne bopty? Ala bersin, jeı bersin.

Erteńimizdi oılaıyqshy. Eldiń bolmasa da, bala-shaǵalaryńyzdyń erteńin talqylańyzdarshy.

Ánshi men bıshi kósem, sıyr men taýyq taqyryp bolǵan zaman-aı...

Aıatjan Ahmetjanulynyń Facebook paraqshasynan alyndy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir