Tassaı aýylynyń oqýshylary endi vırtýaldy-ınteraktıvti laboratorııalyq jumystar jasaı alady

Tanymal fızık, matematıka ǵylymdarynyń doktory Adambek Tatenov ShQO Kókpekti aýdany Tassaı aýylyndaǵy mekteptiń oqýshylaryna fızıka, hımııa, bıologııa pánderinen vırtýaldy-ınteraktıvti laboratorııalyq jumystar isteýge bolatyn keshendi syılady, dep habarlaıdy ShQO aqparat ortalyǵy.

Onyń kómegimen balalar hımııalyq reaksııalardy qaýipsiz oryndap, fızıka, matematıka pánderinen berilgen ártúrli synaq jumystaryn kompıýterdiń kómegimen jasaı alady. Búginde bul keshenniń Qazaqstan men ózge memleketterde  birde-bir analogy joq.

– Biz jyldar boıy ınteraktıvti-laboratorııalyq materıaldardyń bazasyn jınaqtaımyz. Elektrondy oqýlyqtar qaǵaz oqýlyqtardyń ornyn almastyryp, aýdıo, vıdeo túrinde túrinde beredi. Al vırtýaldy-ınteraktıvti laboratorııalyq jumystar balalardyń qyzyǵýshylyǵyn oıatady. Máselen, fızıkanyń taraýlarynda oqýshylardyń qabyldaýyna qıyn taqyryptardy ınteraktıvti kórý arqyly ońaı meńgerýge bolady. Bul óz kezeginde balalardy yntalandyrady, – dedi Adambek Tatenov.

Oqýshylar men muǵalimderge túsinikti bolý úshin atomdardyń qurylys men kovalenttik baılanystar, DNK-nyń qurylysy syndy materıaldar eki-úsh túrli modelde usynylǵan. Barlyq reaksııalar men tájirıbeler dálme-dál keledi. Al laboratorııada bıologııalyq prosesster, bylaı dep túsindiriledi. Máselen, ósimdiktiń salmaǵy az nemese kóp bolýy, genetıkalyq belgiler qalaı paıda bolady, aqqýyz neden turatynyna deıin kórsetiledi.

Adambek Tatenovtiń aıtýynsha, muǵalimder osy tásildiń arqasynda oqýshylar eki jarym aı boıy oqıtyn materıaldardy bir aptanyń ishinde meńgerip alǵandaryn jetkizdi. Bul ustaz úshn sabaqtyń sapasyn arttyrýdyń eń tıimdi tásili. Al eń bastysy oqýshylar naǵyz bilim jolyn tańdaýshylarǵa aınalady.