• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:23:32
Qazaqstanda másele sheshilý úshin aldymen adam ólýi kerek

28 Tamyz, 2019 Aımaqtar

Baǵany negizsiz sharyqtatýǵa jol berilmeıdi

Áleýmettik mańyzy bar azyq-túlik baǵasyn aspandatýǵa jol joq. Alaıda, naryqqa siltep, qoldan sharyqtatatyn jaǵdaılar joq emes. Mine, osyǵan tótep beretin tóte jol - qor quryp, azyqty qoımada saqtaý. Bul rette aımaqta kóterme taratý ortalyqtaryn salý qolǵa alynǵan. Aımaq basshysy Asqar Myrzahmetov óńirdegi osyndaı alyp eki nysannyń jobasymen tanysýǵa arnaıy bardy. Sonyń alǵashqysy - Baızaq aýdany, Úsh bulaq beketi mańyndaǵy «Baza-SERVIS» JShS-niń kóterme-taratý ortalyǵy. Búginde munda árqaısysy 250 tonna azyq-túlik, jemis-jıdek saqtaıtyn 16 qoıma jasaqtalǵan. Qytaı-Belorýssııa elderinen jetkizilgen joǵary tehnologııamen jaraqtalǵan joba quny quny 1 mlrd teńge. Oblys ákimi endigi kezekte qurylys jumystaryna qarqyn qosyp, qarashaǵa deıin nysandy qoldanysqa berýdi qatań eskertti.

Kelesi nysan «Aýyl Bereke» mańyndaǵy dál osyndaı kóterme taratý ortalyǵy boldy. Munda qurylys jumystary kezeń-kezeńimen júzege aspaq. Ár kezeńde syıymdylyǵy tórt myń tonnadan asatyn saqtaý jáne saýda qoımalary salynatyn bolady. Olardyń jalpy kólemi 2 myń sharshy metrden asady. Búginde qurylysy júrip jatqan ortalyqtyń birinshi kezeńi bıyl aıaqtalýy tıis bolsa, qalǵan kezeńderi keler jylǵa tıesili. Bul qoımanyń basty maqsaty da sol, arzan kezde kókónisti kóp jınaqtap, jyl on eki aı qajetinshe tıimdi baǵamen satý. Sol arqyly taýar baǵasyn tizgindep otyrý. Aıta keter jaıt, boı kóterer qoımalar adam aıaǵy kóp hám barys-keliske qolaıly bolýy úshin, bireýi kúre jol boıynda, biri bazar mańynda kópke yńǵaıly bolýy maqsatynda tańdalǵan.


Sondaı-aq, Asqar Myrzahmetov bazar mańyna baryp turyp bazar narqyn bile ketti. Satýshylarmen tildesip, jemis-jıdek pen kókónistiń satylym barysyn barlap shyqty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir