• USD 378.65
  • EUR 430.07
  • RUB 6
  • CNY 55.1
23 Qyrkúıek, 05:18:16
Kekilbaevqa arnalǵan kesh

28 Tamyz, 2019 NEWS

Jastar kadr rezervi jónindegi ulttyq komıssııa quryldy

Qasym-Jomart Toqaevtyń jarlyǵymen Qazaqstan Respýblıkasy Prezıdentiniń janyndaǵy Jastar kadr rezervi jónindegi ulttyq komıssııa quryldy. Qamshy.kz aqparat agenttigi jarlyqtyń tolyq mátinin usynady.

Prezıdenttik jastar kadr rezerviniń keıbir máseleleri týraly

QAÝLY ETEMIN:

1. Qazaqstan Respýblıkasy Prezıdentiniń janyndaǵy Jastar kadr rezervi jónindegi ulttyq komıssııa (budan ári – Ulttyq komıssııa) qurylsyn.

2. Qosa berilip otyrǵan:

1) Ulttyq komıssııa týraly ereje;

2) Ulttyq komıssııanyń quramy;

3) Prezıdenttik jastar kadr rezervin qalyptastyrý qaǵıdalary bekitilsin.

3. Osy Jarlyq alǵashqy resmı jarııalanǵan kúninen bastap qoldanysqa engiziledi.

 

Qazaqstan Respýblıkasynyń

Prezıdenti                                                                                       Q.Toqaev

 

Nur-Sultan, Aqorda, 2019 jylǵy  27 tamyz

 №141

 

Qazaqstan Respýblıkasy
Prezıdentiniń

2019 jylǵy  27 tamyzdaǵy

№  141  Jarlyǵymen
BEKITILGEN

Qazaqstan Respýblıkasy Prezıdentiniń janyndaǵy

Jastar kadr rezervi jónindegi ulttyq komıssııa týraly

EREJE

 1. Jalpy erejeler

1. Qazaqstan Respýblıkasy Prezıdentiniń janyndaǵy Jastar kadr rezervi jónindegi ulttyq komıssııa (budan ári – Ulttyq komıssııa) Prezıdenttik jastar kadr rezervin (budan ári – Rezerv) qalyptastyrý maqsatynda qurylady.

2. Ulttyq komıssııa óz qyzmetinde Qazaqstan Respýblıkasynyń Konstıtýsııasyn, Qazaqstan Respýblıkasynyń zańnamalyq aktilerin, Qazaqstan Respýblıkasy Prezıdentiniń aktilerin jáne osy erejeni basshylyqqa alady.

 2. Ulttyq komıssııanyń mindetteri

 3. Ulttyq komıssııanyń mindetteri:

1) Rezervti qalyptastyrý boıynsha jumysty jalpy úılestirý;

2) Rezervke alý týraly máselelerdi sheshý;

3) Rezervti qalyptastyrý máseleleri boıynsha Qazaqstan Respýblıkasy Prezıdentiniń tapsyrmalaryn oryndaýdy qamtamasyz etý bolyp tabylady.

3. Ulttyq komıssııanyń fýnksııalary

 4. Ulttyq komıssııaǵa mindetterine sáıkes mynadaı fýnksııalar júkteledi:

1) Rezervke alýǵa usynylǵan kandıdattardy qaraý;

2) Ulttyq komıssııanyń quzyretine kiretin máseleler boıynsha memlekettik organdardan jáne ózge de uıymdardan aqparat suratý jáne alý;

3) Ulttyq komıssııanyń quzyretine kiretin máseleler boıynsha sheshimder qabyldaý.

 4. Ulttyq komıssııanyń quqyqtary

 5. Ulttyq komıssııa óz mindetterine sáıkes mynadaı quqyqtarǵa ıe:

1) Ulttyq komıssııanyń quzyretine kiretin máselelerdi qaraýǵa memlekettik organdardyń, uıymdardyń laýazymdy adamdary men mamandaryn tartý;

2) Ulttyq komıssııanyń otyrysyna Ulttyq komıssııanyń músheleri bolyp tabylmaıtyn laýazymdy jáne ózge de adamdardy, sondaı-aq buqaralyq aqparat quraldarynyń ókilderin shaqyrý.

 5. Ulttyq komıssııanyń quramy jáne qyzmetin uıymdastyrý

6. Ulttyq komıssııa tóraǵadan, onyń orynbasarynan jáne komıssııa múshelerinen turady.

7. Ulttyq komıssııanyń tóraǵasy:

1) Ulttyq komıssııanyń qyzmetine jalpy basshylyqty júzege asyrady;

2) Ulttyq komıssııanyń otyrystaryn ótkizý orny men ýaqytyn aıqyndaıdy;

3) Ulttyq komıssııanyń otyrystarynda tóraǵalyq etedi;

4) Ulttyq komıssııanyń múshelerine oryndaýǵa mindetti nusqaýlar beredi.

8. Ulttyq komıssııanyń tóraǵasy bolmaǵan ýaqytta, sondaı-aq onyń tapsyrmasy boıynsha onyń fýnksııalaryn komıssııa tóraǵasynyń orynbasary oryndaı alady.

9. Ulttyq komıssııanyń otyrystary qajettigine qaraı ótkiziledi.

10. Ulttyq komıssııa tóraǵasynyń tapsyrmasy boıynsha Ulttyq komıssııa músheleriniń syrttaı daýys berýi ótkizilýi múmkin.

Ulttyq komıssııa músheleriniń syrttaı daýys berý merzimi Ulttyq komıssııa múshelerine materıaldar jiberilgen kúnnen bastap úsh jumys kúninen aspaýy tıis.

Syrttaı daýys berý merzimi aıaqtalǵanǵa deıin Ulttyq komıssııa músheleri óz pikirlerin Ulttyq komıssııanyń jumys organyna jazbasha túrde joldaıdy.

Kórsetilgen merzimde jaýap usynylmaǵan jaǵdaıda Ulttyq komıssııa múshesi sheshim jobasyn qabyldaýǵa daýys berdi dep sanalady.

11. Ulttyq komıssııanyń otyrysy nemese syrttaı daýys berý onyń quramynyń jalpy sanynyń keminde úshten ekisi otyrysqa qatysqan nemese syrttaı daýys berýge qatysqan jaǵdaıda zańdy bolyp tabylady. Ulttyq komıssııanyń músheleri otyrystarǵa jáne syrttaı daýys berýge aýysý quqyǵynsyz qatysady.

12. Ulttyq komıssııanyń sheshimderi Ulttyq komıssııa otyrysyna qatysýshy nemese syrttaı daýys berýge qatysýshy músheleriniń jalpy sanynyń qarapaıym kópshilik daýysymen ashyq daýys berý nemese syrttaı daýys berý arqyly qabyldanady. Daýystar teń bolǵan jaǵdaıda tóraǵanyń daýysy sheshýshi bolyp tabylady.

13. Ulttyq komıssııanyń sheshimderi, oǵan Ulttyq komıssııanyń tóraǵasy jáne hatshysy qol qoıatyn hattamamen resimdeledi.

Ulttyq komıssııanyń sheshimderi tıisti memlekettik organdarǵa, uıymdarǵa jiberiledi jáne Ulttyq komıssııa belgilegen merzimde mindetti túrde qaralýǵa tıis.

14. Ulttyq komıssııanyń hatshysy Qazaqstan Respýblıkasy Prezıdent Ákimshiliginiń Memlekettik qyzmet jáne kadr saıasaty bóliminiń meńgerýshisi bolyp tabylady.

15. Ulttyq komıssııanyń jumys organy Qazaqstan Respýblıkasy Prezıdenti Ákimshiliginiń Memlekettik qyzmet jáne kadr saıasaty bólimi bolyp tabylady.

Ulttyq komıssııanyń qyzmetin uıymdyq qamtamasyz etýdi memlekettik qyzmet isteri jónindegi ýákiletti organ júzege asyrady.

 Qazaqstan Respýblıkasy
Prezıdentiniń

           2019 jylǵy 27 tamyzdaǵy

№  141  Jarlyǵymen
BEKITILGEN

 

Qazaqstan Respýblıkasy Prezıdentiniń janyndaǵy

Jastar kadr rezervi jónindegi ulttyq komıssııanyń

QURAMY

Qazaqstan Respýblıkasynyń Prezıdenti Ákimshiliginiń Basshysy, komıssııa tóraǵasy

Qazaqstan Respýblıkasy Prezıdenti Keńsesiniń bastyǵy, komıssııa tóraǵasynyń orynbasary

Qazaqstan Respýblıkasynyń Memlekettik qyzmet isteri agenttiginiń tóraǵasy, komıssııa tóraǵasynyń orynbasary

Qazaqstan Respýblıkasy Prezıdenti Ákimshiligi Basshysynyń óńirlik saıasat máselelerine jetekshilik etýshi orynbasary, komıssııa múshesi

Qazaqstan Respýblıkasy Prezıdenti Ákimshiliginiń Memlekettik qyzmet jáne kadr saıasaty bóliminiń meńgerýshisi, komıssııanyń hatshysy

 ___________________

Qazaqstan Respýblıkasy
Prezıdentiniń

          2019 jylǵy 27 tamyzdaǵy

№  141     Jarlyǵymen
BEKITILGEN

 Prezıdenttik jastar kadr rezervin qalyptastyrý

QAǴIDALARY

 1-taraý. Jalpy erejeler

1. Osy Prezıdenttik jastar kadr rezervin qalyptastyrý qaǵıdalary (budan ári – Qaǵıdalar) Prezıdenttik jastar kadr rezervin (budan ári – Rezerv) qalyptastyrý tártibin aıqyndaıdy.

2. Rezervke irikteýdi Qazaqstan Respýblıkasy Prezıdentiniń janyndaǵy Jastar kadr rezervi jónindegi ulttyq komıssııa (budan ári – Ulttyq komıssııa) júzege asyrady.

3. Rezervke otyz bes jastan aspaǵan, joǵarǵy bilimi jáne bes jyldan kem emes eńbek ótili bar Qazaqstan Respýblıkasynyń azamaty alynýy múmkin.

Qazaqstan Respýblıkasynyń Prezıdenti taǵaıyndaǵan memlekettik qyzmetshiler rezervke irikteýge qatysýǵa jiberilmeıdi.

4. Rezervke alynǵan adamdar mynadaı laýazymdar toptaryna ornalasa alady:

salalyq laýazymdardyń toby:

Qazaqstan Respýblıkasynyń mınıstrleri, olardyń birinshi orynbasarlary men orynbasarlary;

oblystardyń, respýblıkalyq mańyzy bar qalalardyń, astananyń ákimderiniń birinshi orynbasarlary men orynbasarlary;

ortalyq atqarýshy organdar komıtetteriniń tóraǵalary;

ulttyq basqarýshy holdıngter, ulttyq holdıngter, ulttyq kompanııalar basqarmalarynyń tóraǵalary jáne músheleri.

Salalyq laýazymdardyń toby qyzmettiń mynadaı baǵyttaryn qamtıdy:

ekonomıkalyq jáne qarjylyq saıasat;

áleýmettik saıasat;

ınfraqurylymdy jáne servıstik salalardy, ónerkásipti, aýyl sharýashylyǵy men qorshaǵan ortany qorǵaýdy damytý;

syrtqy jáne ishki saıasat;

quqyqtyq saıasat;

óńirlik laýazymdardyń toby:

oblystardyń, respýblıkalyq mańyzy bar qalalardyń, astananyń ákimderi;

oblystyq mańyzy bar qalalardyń, oblystar aýdandarynyń jáne qalalardaǵy aýdandardyń ákimderi;

basqarýshylyq laýazymdardyń toby:

ortalyq atqarýshy organdardyń jaýapty hatshylary;

Qazaqstan Respýblıkasy Konstıtýsııalyq Keńesi, Prezıdentiniń Is basqarmasy, Qazaqstan Respýblıkasy Ortalyq saılaý komıssııasy, Respýblıkalyq bıýdjettiń atqarylýyn baqylaý jónindegi esep komıteti, Qazaqstan Respýblıkasynyń Memlekettik qyzmet isteri agenttigi apparattarynyń basshylary, Qazaqstan Respýblıkasynyń Joǵarǵy Soty janyndaǵy Sottardyń qyzmetin qamtamasyz etý departamentiniń (Qazaqstan Respýblıkasy Joǵarǵy Soty apparatynyń) basshysy;

Qazaqstan Respýblıkasy Joǵary Sot Keńesiniń hatshysy – Apparat basshysy;

jaýapty hatshy laýazymy engizilmegen ortalyq atqarýshy organdar apparattarynyń basshylary, Adam quqyqtary jónindegi ulttyq ortalyqtyń basshysy;

oblystardyń, respýblıkalyq mańyzy bar qalalardyń, astananyń ákimderi apparattarynyń basshylary.

Osy tarmaqta atalǵan laýazymdarǵa taǵaıyndaýlar Rezervke alynǵan adamdardyń qatarynan, sondaı-aq Qazaqstan Respýblıkasynyń zańnamasynda belgilengen tártippen ózge de adamdardyń qatarynan júzege asyryla alady.

5. Osy Qaǵıdalar Qazaqstan Respýblıkasynyń Qarýly Kúshterindegi, basqa da áskerleri men áskerı quralymdaryndaǵy, sondaı-aq «Qazaqstan Respýblıkasy quqyq qorǵaý jáne arnaýly memlekettik organdary basshylyǵynyń prezıdenttik rezervin qalyptastyrý týraly» Qazaqstan Respýblıkasy Prezıdentiniń 2013 jylǵy 28 tamyzdaǵy № 624 Jarlyǵyna sáıkes júzege asyrylatyn quqyq qorǵaý jáne arnaýly memlekettik organdarda basshy laýazymdarǵa ornalasý máselelerin rettemeıdi.

 

2-taraý. Rezervke irikteý

6. Rezervke irikteý birqatar dáıekti kezeńderdi qamtıdy:

1) Rezervke irikteýdi ótkizý týraly habarlandyrýdy jarııalaý;

2) kandıdattardyń qujattaryn qabyldaý;

3) kandıdattardyń teorııalyq bilimin testileý (budan ári – testileý);

4) kandıdattardyń kóshbasshylyq qasıetterin, synı oılaýyn, strategııalyq kózqarasyn, motıvasııasy men qundylyqtaryn baǵalaý (esse jazý, jobalardy tanystyrý, ıntervıýden ótý jáne memlekettik qyzmet isteri jónindegi ýákiletti organ aıqyndaıtyn baǵalaýdyń basqa quraldary) (budan ári – baǵalaý kezeńi);

5) Rezervke irikteý jónindegi sarapshylyq komıssııada (budan ári – Sarapshylyq komıssııa) kandıdattarmen áńgimelesý;

6) Sarapshylyq komıssııa Rezervke alýǵa usynǵan kandıdattardy Ulttyq komıssııanyń otyrysynda qaraý.

Rezervke irikteýdiń kezeńderi aqparattyq júıeler qoldaný arqyly júrgizilýi múmkin.

Rezervke irikteý kezeńderin ótkizý merzimderin Ulttyq komıssııa aıqyndaıdy.

7. Irikteýdi júrgizý týraly habarlandyrý memlekettik qyzmet isteri jónindegi ýákiletti organnyń (budan ári – ýákiletti organ) ınternet-resýrsynda, sondaı-aq respýblıkalyq buqaralyq aqparat quraldarynda jáne basqa resýrstarda jarııalanady.

Habarlandyrý osy Qaǵıdalarda aıqyndalǵan Rezervke irikteýdiń tártibi týraly aqparatty, qujattardy tapsyrý merzimin qamtıdy.

8. Irikteýge qatysý úshin mynadaı qujattar usynylady:

1) jeke basty kýálandyratyn qujattyń kóshirmesi;

2) bilim týraly qujattyń kóshirmesi;

3) eńbek qyzmetin rastaıtyn qujattyń kóshirmesi.

Kandıdat qujattardy tapsyrý kezinde onyń derbes derekteri, bilimi men jumys tájirıbesi týraly málimetter, Rezervke alynǵan jaǵdaıda kandıdat úmittenetin laýazymdar toby, osy Qaǵıdalardyń 4-tarmaǵyna sáıkes salalyq baǵyt kórsetiledi.

Qujattarǵa myna adamdardyń bireýinen usynymhat qosa beriledi:

kandıdat jumys isteıtin nemese jumys istegen uıymnyń basshysynan;

ulttyq kompanııanyń, ulttyq holdıngtiń, ulttyq damý ınstıtýtynyń basqarma tóraǵasynan nemese onyń orynbasarynan;

memlekettik saıası qyzmetshiden;

ortalyq atqarýshy organnyń jaýapty hatshysynan, ortalyq nemese jergilikti memlekettik organnyń apparat basshysynan usynylady.

Qazaqstan Respýblıkasy Senatynyń, Májilisiniń depýtatynan, oblystyń, respýblıkalyq mańyzy bar qalanyń, astananyń máslıhat hatshysynan usynylady.

Usynymhat uıymnyń nemese laýazymdy adamnyń resmı blankisinde:

qol qoıylǵan kúni, kandıdattyń tegi, aty jáne jóni;

onyń kásibı jáne jeke qasıetteri aıqyndalǵan minezdemeler;

kandıdatpen yntymaqtastyqtyń uzaqtyǵy men jaǵdaılary kórsetile otyryp resimdeledi.

Qujattardy tapsyrǵan kezde kandıdat Rezervke irikteýden ótýdiń tártibimen tanysady, sondaı-aq irikteýdiń sharttaryn qatań saqtaý jáne ózi kórsetken málimetterdiń shynaıylyǵyn qamtamasyz etý boıynsha ózine mindetteme alady.

9. Testileýge osy Qaǵıdalardyń 3-tarmaǵynda kózdelgen talaptarǵa saı keletin kandıdattar jiberiledi.

Testileýdiń qorytyndysy boıynsha eń joǵary nátıjelerdi jınaǵan kandıdattar Rezervke irikteýdiń kelesi kezeńine jiberiledi.

Rezervke irikteýdiń kelesi kezeńine jiberiletin, eń joǵarǵy nátıjeleri bar kandıdattardyń shekti sanyn Ulttyq komıssııa aıqyndaıdy.

Birneshe kandıdatta testileý nátıjeleri birdeı bolǵan kezde irikteýdiń kelesi kezeńine osy tarmaqtyń úshinshi bóligine sáıkes anyqtalǵan sanynan asatyn kandıdattardyń sanynyń ótýine jol beriledi.

Rezervke irikteýge qatysý úshin kandıdat ótinim bergen kezde usynǵan málimetter men qujattarǵa baǵalaý kezeńiniń aldynda tekserý júrgiziledi.

10. Baǵalaý kezeńinde kandıdattardy baǵalaý úshin ýákiletti organ salalyq  toptardy qurady.

Sheshimderdi qabyldaýdyń aıqyndyǵyn qamtamasyz etý úshin barlyq kandıdattardy baǵalaý kezeńinde qoǵamdastyqtyń ókilderi tartylýy múmkin.

Baǵalaý kezeńiniń qorytyndysy boıynsha eń joǵarǵy nátıjeler alǵan kandıdattar Sarapshylyq komıssııada áńgimelesýge  jiberiledi.

Sarapshylyq keńeste áńgimelesýge ótkiziletin, eń joǵarǵy nátıjeleri bar kandıdattardyń shekti sanyn Ulttyq komıssııa aıqyndaıdy.

Birneshe kandıdatta baǵalaý kezeńiniń qorytyndysy boıynsha birdeı nátıjeler bolǵan jaǵdaıda irikteýdiń kelesi kezeńine osy tarmaqtyń tórtinshi bóligine sáıkes anyqtalǵan sanynan asatyn kandıdattardyń sany ótýi múmkin.

11. Sarapshylyq komıssııanyń quramyn Qazaqstan Respýblıkasynyń Prezıdenti Ákimshiligi aıqyndaıdy.

Sarapshylyq komıssııanyń otyrysyna daıyndalý barysynda kandıdattar týraly málimetterdi, onyń ishinde tıisti memlekettik organdardan suratylatyn málimetterdi, sondaı-aq kandıdattardyń «Qazaqstan Respýblıkasynyń memlekettik qyzmeti týraly» Qazaqstan Respýblıkasy Zańynyń 16-baby 3-tarmaǵynyń talaptaryna sáıkestigin Ulttyq komıssııanyń jumys organy nemese ýákiletti organ qaraıdy.

Áńgimelesýdiń qorytyndysy boıynsha irikteýdiń aldyńǵy kezeńderiniń nátıjelerin eskerýmen Sarapshylyq komıssııa ashyq daýys berý arqyly Rezervke alýǵa usynylatyn kandıdattardyń tizimin jasaıdy jáne Ulttyq komıssııanyń qaraýyna joldaıdy.

12. Irikteýge qatysýǵa bas tartýdyń negizi mynalar bolyp tabylady:

1) kandıdattyń kórineý jalǵan málimetti jáne qujattardy berýi;

2) kandıdattardyń «Qazaqstan Respýblıkasynyń memlekettik qyzmeti týraly» Qazaqstan Respýblıkasy Zańynyń 16-baby 3-tarmaǵynyń talaptaryna sáıkes emestigi.

13. Ulttyq komıssııa Qazaqstan Respýblıkasy Prezıdentiniń sheshimimen jasaqtalady.

Ulttyq komıssııa kandıdattardy bes jyl merzimge Rezervke alý týraly sheshim shyǵarady.

14. Ulttyq komıssııanyń sheshimine sáıkes Rezervke alynǵan adamdar bólingen qarajat sheginde Qazaqstan Respýblıkasy Prezıdentiniń janyndaǵy bilim berý uıymynyń bilim berý baǵdarlamalary boıynsha qysqa merzimdi oqytý kýrstarynan óte alady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir