• USD 468.56

  • EUR 497.56

  • RUB 7.3

  • CNY 67.18

29 Naýryz, 16:02:09
Almaty
+35°

1 qyrkúıekten bastap Mańǵystaýdaǵy barlyq mektep, kolledj jáne joǵary oqý oryndarynda «Kásipkerlik negizderi» páni oqytyla bastaıdy.  Oblystyń 100-ge jýyq ustazy osy baǵytta kýrstan ótip, jańa pándi oqytý ádistemesin úırenip jatyr. Osy maqsatta Aqtaýdaǵy IT lıseıge 10-synyp oqýshylaryna arnalǵan pándi úıretýshi 60 pedagog jınaldy.

Tálimgerlerdiń biri Aqtaýdaǵy № 11 fızıka-matematıka mektebiniń muǵalimi Lıza Myńbaeva. Tarıh pániniń muǵalimi jańa sabaqty negizgi jumysymen qosa alyp júrmek. Onyń aıtýynsha, «Kásipkerlik negizderi» pániniń oqýshylarǵa bereri mol. Kóbine oqýshylar grant jeńip alý úshin ata-analary tańdaǵan nemese túlekter az tapsyrǵan mamandyqtarǵa barady. JOO bitirgen soń ózderin taba almaı, kóbine jumyssyz júredi. Mektep qabyrǵasynan bıznesti úıretsek, kez-kelgen jaǵdaıda jeke kásibin ashyp, tyǵyryqtan jol tabatyn bolady. Bizde tek qarajaty bar adamdar ǵana kásip bastaı alady degen túsinik bar. Olaı emes. «Nólden» bastap bıznesti órkendetý joldaryn oqýshylarǵa keńinen oqytatyn bolamyz,- deıdi Lıza Myńbaeva.

«Atameken» QR UKP jáne QR Bilim jáne ǵylym mınıstrligi birlesip oqý baǵdarlamasyna «Kásipkerlik negizderi» pánin engizdi. Osy maqsatta Nur-Sultan qalasynda aldymen bıznes-trenerler daıyndyqtan ótti. Endi olar jergilikti ustazdarǵa bilgen-túıgenin úıretýde.  1

         - «Men 27 jyldan beri kásipkermin, 4 jyldan asa dáris úıretin kelemin.Ár adamnyń boıynda belgili bir kásipke degen beıimdilik bar. Sony dóp basyp, asha alýymyz kerek. Bala boıynda táýekelge bel bý, utqyrlyq, tapqyrlyq, sheshim qabyldaý, jaýapkershilikti moınyna alý syndy kásipkerde bolýy tıis qasıetterdi damytýymyz qajet. 10 kún ishinde bir jyl boıy ótetin 68 sabaqqa sholý jasaımyz, ádis-tásilin úıretemiz. Oqýshylarǵa meılinshe túsinikti tilmen, oıyn túrinde sińirýge umtylamyz. Ustazdar da osyny túsinip, kýrsqa bar yntasymen qatysýda», deıdi bıznes-trener Sholpan Túsipbekova.

Mańǵystaýlyq 60 mektep muǵalimi, 26 kolledj oqytýshysy, joǵary oqý oryndarynyń 4 oqytýshysy arnaıy dáris alýda.  10 kúndik kýrstan ótýge óńirdiń shalǵaı aýyldarynan bastap ortalyqtaǵy ustazdar da belsendilik tanytty. Oqý kýrs barysynda oqytýshylar marketıngtik zertteý júrgizý, analız jasaý, bıznes-model, josparlaý, kásipkerlik mádenıet jáne t.b. taqyryptar boıynsha bilim alady.

Jańa oqý jylynan bastap «Kásipkerlik negizderi» pánin mektepterdiń 10-synyp oqýshylary, kolledjder men joǵary oqý oryndarynyń joǵary kýrs stýdentteri oqıdy, kelesi jyly pán 11-synyp oqýshylaryna da oqytylady. Jańa elektıvti pánge aptasyna 2 ret, barlyǵy 68 saǵat bólingen.

Esterińizge salaıyq,  «Kásipkerlik negizderi» páni Aqtaý qalasyndaǵy  IT lıseı men birqatar kolledjderde pılottyq joba negizde oqytylǵan bolatyn. Jobanyń tıimdiligi eskerile kele «Atameken» UKP men Bilim jáne ǵylym mınıstrliginiń birlesken jobasy retinde respýblıkanyń barlyq mektepterine engizý jóninde sheshim qabyldandy. Sondaı-aq, bul pán joǵarǵy jáne orta arnaýly oqý oryndarynyń joǵarǵy kýrs stýdentteriniń oqý baǵdarlamalaryna da engiziletin bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir