• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:17:50
Qazaqstanda másele sheshilý úshin aldymen adam ólý kerek

27 Tamyz, 2019 Mańǵystaý oblysy

Áıel. Ana. Isker.

Restorator hanym -  Gúlaısha Boranova Mańǵystaý oblysynda teńdesi joq meıramhanaǵa basshylyq etedi. «Aısha saraıy» dep atalatyn meıramhana  ulttyq qundylyqtardy ustanýymen aıryqsha. Zamanaýı ǵımarattyń tórinde kıiz úı tigilgen arnaıy zal bar. Bul kıiz úı ata-enesinen qalǵan kóz, amanat. Enesi ómirden erterek ozyp, kózdiń qarashyǵyndaı saqtaǵan aǵash úı shań basyp, kútimsiz jatty. Muny kórgen atasy Mańǵystaýǵa belgili ustaz Bazarbaı qarııa úsh kelinniń ishinen osy Gúlaıshaǵa tabystaıdy. «Amanatqa qııanat júrmeıdi» degendi bek túsingen ıbaly kelin meıramhanasynyń tórine qurmettep tigip qoıýdy jón sanapty. Qazir syrǵa salý, betashar, kelinge oramal salý syndy jón-joralǵylardyń barlyǵy kıeli shańyraqtyń ishinde jasalady. Jas jubaılardyń fotosessııasy úshin de taptyrmas orynǵa aınaldy. Meıramhananyń bul atrıbýtyna rıza bolǵan úlkender batasyn berip keledi.

Aty men zaty kelisken tamasha ǵımarat birneshe qabattan turady. Eń tómengi qabatynda tolyqtaı ashana, aspaz ben qyzmetkerler bólmesi ornalasqan. Ústińgi qabattarynda 1000 adamǵa arnalǵan úlken zal, vip-zal, kelinder árlenetin bólme, neke qııý zaly, kópshilik tynyǵatyn holldar bar. 1

«Aısha saraıynyń» taǵy bir ereksheligi- as mázirinde. Mańǵystaýlyq as ázirleý úrdisin qoldana otyryp bujy, qazy-qarta, adal soıylǵan jas mal eti daıyndalady.

Taǵy bir ózgeshelik- toı zaly men ústelder túgeldeı tabıǵı, hosh ıisti gúldermen bezendiriledi. Ádemi gúlder tapsyryspen jetkizilip otyr. Meıramhananyń árlenýi men jıhazdary, ydys-aıaqtary barlyǵy shetelden asqan talǵammen tańdap alynǵan. Dastarhan jaıý, asty tábetti ashardaı tartymdy etip qoıý, til úıiretindeı dámmen daıyndaý Gúlaısha hanymnyń uzaq jylǵy tájirıbesiniń jemisi. 

Meıramhananyń tehnıkalyq jabdyqtalýy da aıryqsha. Kásibı sahnaǵa arnalǵan led-ekrandar, mýzykalyq qurylǵylardyń sapasy joǵary. Respýblıkalyq deńgeıdegi belgili ánshiler osy sahnadan ónerlerin kórsetip, rızashalyǵyn bildirgen eken.

Gúlaısha Boranqyzynyń negizgi mamandyǵy-qurylysshy. Biraq bala kútimi, úı sharýasymen aınalysyp qurylys salasyna bet burmady. Esesine belgili kásipker, qurylysshy Samat Musabaevtyń adal jary, 4 balanyń anasy atandy. Ul-qyzdaryna qazaqı tárbıeni sińirip otyrǵan ana. Balalary Eýropada bilim alsa da, ulttyq dástúrimizden attaǵan emes. Otbasynyń uıytqysy, aǵaıyn-týystyń bitimgeri bolý - óziniń basty mindeti dep sanaıdy. Úıinde as máziri, dastarhan jaıýǵa kóp mán bergen ol meıramhanalarǵa barǵanda asa kóńili tolmaı keledi eken. Sonan soń bilgen-túıgenin kásip retinde paıdaǵa asyrýdy jón kóredi. Bul oıyn iske asyrýǵa ómirlik jary kómegin aıaǵan joq. 1

- «Ádemi jerde, talǵammen bezendirilgen orynda, dámdi as iship, jaqsy demalys usynýdy maqsat ettim. Meıramhanaǵa qarap keıbireýler asa qymbat oryn dep oılap qalady. Sándi, dámdi ári qoljetimdi qylyp uıymdastyryp otyrmyz. Bekire balyqtarymen qymbat as mázirin tańdaımyn dese de, qonaqtyń óz qalaýy»,- deıdi isker áıel.

Qazir munda 30 adam turaqty túrde qyzmet etedi. Munnan bólek kúndelikti kelip-ketetin daıarshylar da bar.

Restorator bolý ońaı emes. Ýaqytyly sheshim qabyldaı bilý, tııanaqtylyq, sabyrlylyq, tazalyq, shydamdylyq sııaqty qasıetterdi bir boıyna toǵystyrýǵa týra kelgen. Kásipker áıeldiń «Aısha saraıynan» ózge Nur-Sultan qalasynda meıramhanalary men dámhanalary bar. Zamanaýı úrdis pen qazaqı naqyshty úndestirgen meıramhanalar Gúlaısha Boranovanyń tól ıdeıasy. Bolashaqta isker osy kásipti odan ári jeteldire túspek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir