Keleshekke – kemel bilimmen!

Aqtaýda ustazdardyń basyn qosqan «Keleshekke  – kemel bilimmen!» taqyrybynda oblystyq tamyz konferensııasynyń plenarlyq otyrysy ótti.

Konferensııaǵa oblys ákimi S. Trumov, oblys ákiminiń orynbasarlary, oblystyq máslıhat hatshysy, depýtattar, QRBjǴM, «NZM» DBBU, PShO fılıalynyń ókilderi, oblystyq basqarma basshylary, aýdan men qala ákimderi men orynbasarlary, aýdandyq, qalalyq bilim bólimderiniń basshylary, oblys pedagogtary, bilim berý uıymdarynyń basshylary,  ardager ustazdar, úkimettik emes uıymdar jáne qamqorshylyq keńester ókilderinen quralǵan barlyǵy 450 adam jınaldy.

Jıyn barysynda oblys ákimi S. Trumov ustazdar qaýymyn jańa oqý jylymen quttyqtap, bilim salasynda alǵa qoıylǵan mindetter týraly baıandap, olardy sheshý boıynsha naqty tapsyrmalar berdi.

Oblystyq bilim basqarmasynyń basshysy A. Seıdalıev bilim salasyn damytý baǵytyndaǵy atqarylǵan jumystar boıynsha baıandamasyn jasap, jańa oqý jylyndaǵy jańashyldyqtarmen tanystyrdy. Basty jańalyqtar ústimizdegi jyly «Pedagog mártebesi» týraly Zańnyń qabyldanýy jáne 2025 jyldarǵa arnalǵan bilim berýdi jáne ǵylymdy damytýdyń  memlekettik  baǵdarlamasynyń bekitilýi.

Budan basqa jıynda bilim salasynyń barlyq deńgeılerin damytý barysyndaǵy baıandamalarmen QR BǴM ókiliniń, MDU, orta jáne tehnıkalyq jáne kásiptik bilim berý uıymdarynyń basshylary, Nazarbaev zııatkerlik mektebiniń,«Bilim-ınnovasııa» qorynyń ókili sóz sóıledi.

Jıyn barysynda, bilimdi damytýdaǵy qosqan úlesteri úshin birqatar pedagogtar «Qazaqstan Respýblıkasynyń bilim berý isiniń qurmetti qyzmetkeri», «Y. Altynsarın» tósbelgilerimen, QR Bilim jáne ǵylym mınıstriniń jáne oblys ákiminiń  alǵys,  qurmet gramotalarymen marapattaldy.

Sonymen qatar, jyl saıynǵy «Orta bilim beretin úzdik uıym» grantynyń jeńimpazy atanǵan úsh mektepke qarjylyq sertıfıkattar tabystaldy.