• USD 468.56

  • EUR 497.56

  • RUB 7.3

  • CNY 67.18

28 Naýryz, 23:33:29
Almaty
+35°

27 Tamyz, 2019 NEWS

Qasym-Jomart Toqaev bıýdjettik josparlaý máseleleri jóninde keńes ótkizdi

"Bıýdjet áleýmettik-ekonomıkalyq turǵydan barynsha tıimdi ári mańyzdy jobalardy qarjylandyrýy tıis".

"Aqorda" rezıdensııasynda Memleket basshysynyń tóraǵalyǵymen bıýdjettik josparlaý máseleleri jóninde keńes ótti, dep habarlaıdy Qamshy.kz aqparat agenttigi.

Jıynǵa Premer-mınıstr Asqar Mamın, Premer-Mınıstrdiń birinshi orynbasary – Qarjy mınıstri Álıhan Smaıylov, Premer-mınıstrdiń orynbasarlary – Berdibek Saparbaev pen Jeńis Qasymbek, Ulttyq ekonomıka mınıstri Rýslan Dálenov, Esep komıtetiniń tóraǵasy Natalıa Godýnova, sondaı-aq Prezıdent Ákimshiliginiń basshylyǵy qatysty.

Keńes barysynda Prezıdentke respýblıkalyq bıýdjettiń aldaǵy úsh jylǵa arnalǵan jobasynyń negizgi parametrleri baıandaldy.

Qasym-Jomart Toqaev bıýdjet jobasynyń teńgerimdi jáne elimizdiń áleýmettik-ekonomıkalyq damý talaptaryna saı ekenin aıtty. Sonymen qatar, Memleket basshysy bıýdjettik shyǵystardyń tıimdiligin arttyrý jáne bıýdjettiń kirisin odan ári ulǵaıtý jónindegi jumystardy jalǵastyrýdyń mańyzdylyǵyn atap ótti.

Prezıdent bıýdjetti josparlaýdyń barlyq kezeńderinde shyǵystardy ońtaılandyrýǵa, Esep komıtetimen ózara tyǵyz yqpaldastyq ornatýǵa, sondaı-aq negizsiz ımıdjdik jáne konsaltıngtik shyǵyndardy qysqartýǵa shaqyrdy.

Sońynda Memleket basshysy Úkimetke bıýdjet úderisine baqylaýdy kúsheıtýdi tapsyrdy. Onyń aıtýynsha, bıýdjet áleýmettik-ekonomıkalyq turǵydan barynsha tıimdi ári mańyzdy jobalardy qarjylandyrýy tıis.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir