• USD 468.56

  • EUR 497.56

  • RUB 7.3

  • CNY 67.18

29 Naýryz, 17:29:36
Almaty
+35°

 

Qaı eldiń bolmasyn áleýmettik-ekonomıkalyq turǵydan turaqty bolýy – bilimdi, aqyl-oıy tereń jastardyń qolynda. Sondyqtan jastar qoǵamnyń jetekshi kúshi sanalady. Osyǵan oraı Jambyl oblysy Merki aýdanynda ornalasqan «Turan» demalys ortalyǵynda «Jastar shaqyrady» atty oblystyq kóshbasshylar forýmy ótti dep jazady Qamshy.kz aqparat agenttigi. 

Jambyl oblysy ákiminiń apparaty «Qoǵamdyq kelisim» kommýnaldyq memlekettik mekemesiniń uıymdastyrýymen ótken oblystyq forýmǵa Jambyl oblysy Qazaqstan halqy Assambleıasy etnomádenı birlestiginiń jastary, «Jańǵyrý joly» jastar qozǵalysynyń jáne «Aq jelken» jastar lıgasynyń músheleri, oblystyq, qalalyq jáne aýdandyq buqaralyq aqparat quraldary ókilderi qatysty.


Atalǵan shara eki kúnge sozyldy. Jastar arasynda beıbitshilik tuǵyryn bekem saqtaý men memleket damýyna úles qosýdyń joldaryn talqylaýdy kózdegen úlken forým jastardy ulttyq salt-dástúrdi saqtaýǵa, bitimgershilik pen beıbitshilik qundylyqtaryna berik bolýǵa shaqyrýdy maqsat etti. Sonymen birge, óńirlerde daryndy jastardyń shyǵarmashylyǵyn anyqtaý, qoldaý jáne kótermeleý, ulttyq murany nasıhattaý jáne qazaqstandyqtardyń jas býynyn mádenı-rýhanı tárbıeleý, qazaqstandyq biregeılikti, qoǵamdyq kelisimdi qalyptastyrý jáne memlekettik tildi oqytý arqyly halyqtyń birligin nyǵaıtýdy kózdedi.


Shara barysynda eki kún boıy Jambyldyń talapty da talantty jastary bir-birimen túrli qyzyqty motıvasııalyq tájirıbelerimen bólisti. Biri oıyndar arqyly qyzyqty orta qalyptastyrsa, ekinshileri sport oıyndarymen baýrap alyp, endi biri ómirlik jetistikteri men jastarǵa saıahat áleminiń qyr-syrlaryn ortaǵa saldy.


Sonymen qatar, jıynǵa shaqyrylǵan ónerpaz jastar kórermenderge áserli ánderi men bıleri arqyly jaqsy kóńil-kúı syılady. Sondaı-aq, sýda júzý sporttyq oıyny boıynsha - «Lovı volný-2019» jarysy, án aıtý ónerinen karaoke saıysy, bı saıysynan – dıskobıler uıymdastyrylyp, «Sóıleý sheberligi, sheshendik óner», «О́zińdi-óziń «qamshyla»!» taqyryptarynda semınar-trenıngter, sonymen qatar, «Qazaqtaný» baǵdarlamasy aıasynda ulttyq taǵamdardy daıyndaý boıynsha sheberlik synyptary da ótkizildi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir