• USD 468.56

  • EUR 497.56

  • RUB 7.3

  • CNY 67.18

29 Naýryz, 17:39:36
Almaty
+35°

27 Tamyz, 2019 Áleýmet

Elge kelgen Ertisbaev endi buqaramen oınaı bastady

Qoǵam qazaqylanyp barady. Al Ertisbaevtar bazardan qaıtty.

Ertisbaevtardyń dáýreni ótti. Ertisbaevtardyń zamany ótti. Biraq ol ony sezine  alar ma eken?! Onyń laqap aty – "Bulbul" edi.

"Bulbul" 2001-2012 jyldar aralyǵynda elde erekshe saırady. Prezıdenttiń saıası máseleler jónindegi keńesshisi boldy. Mınıstr laýazymyn atqardy. Onyń aıtqanyn erekshe yqylaspen tyńdaıtyndar, jazǵanyn tapjylmaı oqıtyndar boldy. Ol bir kezderde Qazaqstannyń saıası borometri qyzmetin atqardy. Onyń sol jyldardaǵy saraptamasy men kózqarasyn árıne baǵalaý kerek, ony eshkim joqqa shyǵara almaıdy. Árıne, saıası saraptamasy myqty boldy. Aldaǵyny boljady, eldegi saıası oqıǵalarǵa sol ýaqytta kózqarasyn naqty bildirip otyrdy. Oppozısııaǵa pozısııasyn ashyq aıtty. Qysylyp, qymtyrylǵan joq, suhbattan qashqan joq. Tipti keıde oppozısııaǵa da aqyl aıtyp,  jol siltep otyrdy. Biraq 2013 jyly ol elden ketti. Grýzııada 5 jyl, sosyn Belarýssııada 2 jyl elshi boldy. Jalpy Ermuhamed Ertisbaevtyń saıası baspaldaǵy osymen bitti deýge bolady. Ony Nazarbaev júıesi kezinde jaqsy jáne óte tıimdi paıdalandy. Ásirese, oppozısııamen oıynda. Biraq Toqaev bıligine Ertisbaevtar kerek pe?

...Ol  elge keldi. Zeınetker jasyna eki aı qalǵanda Ertisbaev elshi qyzmetinen bosatyldy. Ony Toqaev bosatty. Biraq onyń elge keregi bar ma? Bar shyǵar. Qalaı? Kele sala suhbat berdi. Almatyǵa burynǵy "Alma-Ata" ataýyn qaıtaryp berý kerek", – dedi. Tarazyǵa salsaq, bul Ertisbaevqa tán áreket. Naqty aıtqanda, Qazaqstanǵa qaıta oralǵanyn kórsetý, buqaraǵa bar ekenin popýlıstik jolmen bildirý. Biraq qazirgi júıe nemese búgingi buqara Ertisbaevty qabyldaı ala ma? Másele sonda. Ol 63-ke keldi. Qalaı aıtqanda da, ol qaıtadan bılik laýazymyna barmaıdy. Biraq osylaı «ejelgi ataýlardy qaıtarý» jáne taǵy basqa máselelermen óz kózqarasy boıynsha,  turaqty túrde aınalysa beredi.  

Ol buqaramen jaqsy "oınaıdy". Onyń pikirleri áli-aq qoǵamdy ekige jarady. Másele mynada: ol qashanǵa sozylýy múmkin? О́ıtkeni orys tilinde oılaıtyndarǵa Ertisbaevtar qajet. Qashan da kerek. Al "Ertisbaev aıtty eken" dep Almaty "Alma-Ata" bolyp endi eshqashan qaıtadan jazylmaıdy. "Alma-Ata"  ataýy da qaıtarylmaıdy. Zaman kóshi alǵa jyljydy. Bizdiń bılikke endi basqa saıası sarapshylar kerek. О́ıtkeni qoǵam qazaqylanyp barady. Al Ertisbaevtar bazardan qaıtty.

...Biraq "bulbul"  báribir saıraı beredi.

"Qamshy" silteıdi
Ilmek sózder: Ertisbaev Alma -Ata

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir