Shyǵys Qazaqstan oblysynda "Tolaǵaı sultany-2019" atty halyqaralyq sporttyq-shyǵarmashylyq baıqaýy bastaldy

Baıqaý bıyl Qazaqstan Respýblıkasynda jarııalanǵan Jastar jylyna oraı uıymdastyrylýda, dep jazady ShQO aqparat ortalyǵy.

 

Sporttyq saıysqa Reseı Federasııasynyń Altaı ólkesinen, Mońǵolııanyń Baıan-О́lgeı aımaǵynan, Almaty, Aqmola, Jambyl, Qaraǵandy, Qostanaı, Qyzylorda, Pavlodar, Túrkistan oblystary men Shyǵys Qazaqstannyń qalalary men aýdandarynan kelgen 23 jas jigit qatysyp, kim myqtyny anyqtaýda. 

 

Baıqaý eki kúnge sozylady. Oǵan qatysýshylar 24-25 tamyz aralyǵynda sporttyq jáne shyǵarmashylyq qabiletterin kórsetip, ózara baq synaspaq. Baıqaýdyń bas júldesine – avtokólik tigilgen.

 

Kúni boıy "Úzdik jigit" baıqaýyna qatysýshylar úzdik mergendi anyqtap (jamby atý), attyń qulaǵynda oınaıtyn jigitter teńge ilý, qol kúresý, aýdaryspaq, qazaq kúresi syndy sport túrleri boıynsha jarysýda.

 

– О́tken jyly osyǵan uqsas "Jigit sultany" baıqaýyn ótkizdik. Al bıylǵy baıqaý toǵyz jasynda el-jurtty qurǵashylyqtan aman alyp qalý úshin taý kótergen Tolaǵaıdyń qurmetine oraı uıymdastyrylýda. Bul taý osy jarys ótip jatqan mańaıda ornalasqan. Aldaǵy ýaqytta ol jaqtv týrısterdiń súıikti ornyna aınalatyna senemin, – dedi Shyǵys Qazaqstan oblystyq ishki saıasat basqarmasy jastar resýrstyq ortalyǵynyń dırektory Araılym Esimbekova.