• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:07:10
Latyn álipbıine kóshý máseleleri semınar-keńeste sóz boldy

24 Tamyz, 2019 NEWS

Abaı Qunanbaevtyń týǵan kúnine oraı Shyǵys Qazaqstan oblysy Kókpekti aýdanynda uly aqynǵa arnalǵan ortalyq alań ashyldy

Samar aýylyndaǵy Mádenıet úıiniń aldynda aqyn atyndaǵy alań qoldanysqa berildi. Buryn bul jer kólik turaǵy bolǵan.

Atalmysh alańǵa Abaıdyń eskertkishi kórik berip tur. Ortalyq alańda bıshi sýburqaq iske qosylyp, mańaıynda gúlderdiń jupar ıisi ańqyp tur, dep habarlaıdy ShQO aqparat ortalyǵy.

Eskertkish tastan jasalǵan. Ony músinshi, QR sýretshiler odaǵynyń múshesi, Tarbaǵataı aýdany, Aqjar aýylyndaǵy óner mektebiniń muǵalimi Álibek Shoqanov jasaǵan.

Jergilikti turǵyndardyń pikirinshe, aqynnyń óleńderinde qazaq halqynyń turmys-tirshiligi jaqsy sýrettelgen. Búginde Abaı Qunanbaevtyń eńbekteri oqyrmandar arasynda joǵary baǵalanady.

– Búgin bizdiń aýylymyzda tarıhı kún. Aýyldyń turǵyndary ortalyq alańdaǵy jańa eskertkishiniń boı kótergenine shyn júrekten qýanyp júr. Biz árqashan Abaıdyń naqyl sózderin ómirlik ustanym retinde qoldanamyz, – dedi «Nur» sharýaqojalyǵynyń basshysy Zamambek Nurpeısov.

ShQO

Kókpekti aýdanynyń ákimi Ashat Smaılovtyń aıtýynsha, bul ortalyqqa Abaı eskertkishin ornatý týraly usynysty Shyǵys Qazaqstan oblysynyń ákimi Danıal Ahmetov aıtypty. Budan soń aýdan basshysy aqsaqaldar alqasymen keńese otyryp, Samar aýylynyń ortalyq alańyna Abaı eskertkishin salý jumystaryn bastapty.

– Biz munymen toqtap qalmaımyz. Kelesi jyly bul alańdy úsh ese ádemi etip, kórkeıtetin bolamyz. О́ıtkeni barlyq eldi mekende turǵyndardyń demalýy úshin barlyq jaǵdaı jasalýy tıis, – dedi Ashat Smaılov.

Sondaı-aq bul kúni jastar arasynda "Abaı oqýlary" oblystyq baıqaýy ótti. Al alańda Mádenıet úıiniń shyǵarmashylyq ujymdary án men kúıden shashý shashty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir