Shyǵys Qazaqstanda týrızm salasyndaǵy quqyqtarǵa kepildik berý júıesi týraly aıtyldy

Kezdesýge Nur-Sultan qalasynan «Týrıstik Qamqor» korporatıvtik qorynyń dırektory Asylhan Esilov qatysyp, shetelderge shyǵýdyń máselelerin qozǵady, dep habarlaıdy Qamshy.kz aqparat agenttigi.

Búginde «Týrıstik Qamqor» korporatıvtik qorynyń mamandary shetelderge saıahat jasaýǵa qumar otandyq týrısterdiń qaýipsizdigin qamtamasyz etý maqsatynda saqtandyrý júıesin engizgen. Qordyń negizgi mindeti – týroperatordyń qarjylyq dármensizdigi sebebinen shuǵyl jaǵdaıǵa tap bolǵan sheteldegi qazaqstandyq týrıstterge shuǵyl kómek kórsetý.

– Bul júıe charterlik reıspen ushatyn týrıster úshin tıimdi. Bizdiń mekemeden bılet alǵan kezde týr-paketpen birge beriledi. Al jolaýshy bıletti óz satyp alǵan jaǵdaı, agenttik onyń qonaq úıdegi jatyn ornyn ǵana tólep beredi. Sol sııaqty jaǵdaı týrısttiń Qazaqstanǵa orala almaıtyny jóninde másele bolmaıdy. Búginde zańǵa sáıkes «Týrıstik Qamqor» qorynyń jarnasyna charterlik jáne turaqty reıster de kiredi. Eger turaqty reıspen adamdy qaıtara almasaq, onda baǵytqa bıletterdi satyp alǵan avıakompanııa ókilderi bul qyzmetti júzege asyra alady. Qazir biz týrısterge yńǵaıly bolý úshin zańǵa ózgerister engizip, turaqty reıske bılet alǵan jolaýshynyń «Týrıstik Qamqor» korporatıvtik qoryna qosymsha jarna aýdarmasy úshin jaǵdaı jasaýdy josparlap otyrmyz, – dedi ​ «Premer týr» kompanııasynyń dırektory Valerııa Topolnıak.

Valerııa Topolnıak aıtýynsha, eger jolaýshy 0,5 AEK tólesse, týrıst te, týr-operator da qosymsha qarjylyq qıyndyqtan qutylady.

– Búgingi jıynda aıtylǵan máselelerdi týr-operatorlardyń Assosıasııasynda kóteretin bolamyz. Eń aldymen, biz zań sheńberinde jumys isteý keregin túsinýimiz kerek. Bizdiń taraptan zańǵa ózgerister engizý týraly usynystardy ǵana aıtý qoldan keledi. Málimetterge súıensek, týrısterdiń deni týr-agenttikterge óz bıletterimen birge keledi. Sonyń saldarynan olar barlyq sharýany retke keltirýdi óz qoldaryna alady. Onlaın-týrızm salasynda ilgerileýshilik baıqalmaıdy. Munyń basty sebebi – agenttikter arasyndaǵy básekelestiktiń tómendeginde jatyr. Shetelge shyqqysy keletin azamattar úıde otyryp, ınternetti qoldana salýdyń ornyna sol burynǵysha agenttikke keledi, – dedi «Týrıstik Qamqor» korporatıvtik qorynyń dırektory Asylhan Esilov.

​Jıyn barysynda Asylhan Esilov elimizdegi 50-55 týr-operatordyń «Týrıstik Qamqor» qorynyń quramyna kirmegenin atap ótti. Sondaı-aq kóptegen týrıstik kompanııalar operatorlyq lısenzııalary joq bolǵanyna qaramastan bul salada eńbek etip júrgenin aıtty. Bul osy agenttikterdiń kómegine júgingen týrısterdiń quqyǵy qorǵalmaıtynynan habar beredi. Budan bólek týrıstik agenttikterdiń deni memlekettik tizimde tirkelmepti. Qazir mundaı agenttiktermen kúres júrgizilýde.