Baǵdarlamalar júıeli júzege asyp jatyr

Taraz qalasynda Qazaqstan Respýblıkasynyń Tuńǵysh Prezıdenti N.Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalyq maqalalaryn júzege asyrý aıasynda qalalyq jobalyq ofıs pen qalalyq ishki saıasat bólimi birqatar jumystar atqarýda dep jazady Qamshy.kz aqparat agenttigi. 

Baǵdarlamalyq maqalany oblys ortalyǵynda júzege asyrý maqsatynda 2019 jylǵy is-sharalar josparyna arnaıy baǵyttary men jobalar aıasynda 86 is-shara engizildi. Qazirgi tańda onyń 37 is-sharasy ótkizilip, onda 14842 adam qamtyldy. Sondaı-aq, baǵdarlamalyq maqala aıasynda jalpy 286 is-shara ótkizilip, oǵan 57 214 adam qamtyldy. Olardyń qatarynda «Tarazdyń túrlenýi» atty iskerlik-áriptestik kezdesý, «TARAZ FILM SCHOOL» kıno mektebiniń túlekterine sertıfıkat tabystaý rásimi, «Qaısar» kórkem fılminiń jáne «No Limits» derekti dokýmentaldy kınosynyń tusaý keser rásimi, «Siz oqýǵa tıis álemdik 100 kitap» ádebıet alleıasy, «Qazaqstandaǵy tarıhı oryndar» atty kitap kórmesi, «Qazaqstannyń 100 jańa esimi» jobasynyń jeńimpazy Z.Gabıdýlınanyń demeýshiligimen júzege asyrylǵan balalar aýla alańshasynyń ashylýy, «Jambylym qandaı tamasha» atty konserttik baǵdarlamalar bar.

«Qazaqstannyń kıeli jerleriniń geografııasy» arnaıy jobasy aıasynda Aısha bıbi, Qarahan, Tekturmas keseneleri jáne ashyq aspan astyndaǵy «Kóne-Taraz» arheologııalyq mýzeıi týraly 4 beınerolık, «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda 1 beınerolık jáne «Qazaqstandaǵy 100 jańa esim» jobasynyń birinshi kezeńiniń jeńimpazy Z.Gabıdýlına týraly 1 beınerolık ázirlenip, jergilikti telearnalarda, resmı saıttarda, áleýmettik jelilerde jarııalandy.

Sondaı-aq, «100 jańa oqýlyq» jobasy boıynsha qazaq tiline aýdarylǵan kitaptardyń QR – kodtary bar taqtaıshalar qaladaǵy 5 kitaphanada ornalastyryldy.

«100 jańa oqýlyq» jobalaryn iske asyrý maqsatynda qaladaǵy orta mektepterde aǵymdaǵy jyldyń qyrkúıek-jeltoqsan aıynda «Book Dating» kitaptaryn tanymal tulǵalardyń tanystyrýy, «Syılyqqa kitap» atty aksııa ótkiziledi.

Al «100 jańa esim» jobasy aıasynda qaladaǵy oqý oryndarynda, mekemelerde qyrkúıek-jeltoqsan aılarynda 20 is-shara ótkizý josparlanýda.