• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:16:26
Qazaqstanda másele sheshilý úshin aldymen adam ólý kerek

24 Tamyz, 2019 Aımaqtar

Partııalyq jobanyń kópshilikke paıdasy tıip jatyr

«Nur Otan» partııasy Jambyl oblystyq fılıalynyń qoǵamdyq qabyldaý bólmesiniń meńgerýshisi Úmitbala Ibraımova «Nur Otan» partııasy Moıynqum aýdandyq fılıalynda «Halyqqa kómek» partııalyq jobasy aıasynda «Halyqtyń máselesin sheshemiz» atty kóshpeli qoǵamdyq qabyldaý ótkizdi dep jazady Qamshy.kz aqparat agenttigi. 

Kóshpeli qoǵamdyq qabyldaýǵa oblystyq maslıhattyń depýtaty Jaıdar Áıtishev, partııa aýdandyq fılıaly tóraǵasynyń birinshi orynbasary Manarbek Kóshkimbaev jáne ózge jergilikti atqarýshy organdardyń ókilderi qatysty.

Kóshpeli qoǵamdyq qabyldaýǵa kelgen Moıynqum aýylynyń turǵyny, kóp balaly ana Gúlmıra Ásetildaeva óziniń az qamtylǵan otbasy retinde mektep jasyndaǵy balalaryna mektepke qajetti kıim-keshekterin alyp berýin ótindi. Partııa oblystyq fılıalynyń qoǵamdyq qabyldaý bólmesiniń meńgerýshisi Ú. Ibraımova ótinish ıesimen sóılese kele osy otbasynda mektep jasyndaǵy bala sanyn anyqtap, qoǵamdyq qabyldaýǵa qatysyp otyrǵan aýdandyq bilim bólimine az qamtylǵan otbasylar tizimine qosýdy qatań tapsyrdy. Sonymen qatar, Úmit Serikqyzy bul otbasyny óz nazaryna ustaıtynyn jetkizdi. Qoǵamdyq qabyldaý barysynda atalǵan azamatshaǵa aýdan ákimdiginiń qarjy bóliminiń basshysy Ádilbaev Tanat jomarttylyǵyn tanytyp, kópbalaly anaǵa 1 synyp oqıtyn balasyna mektepke qajetti kıim-keshek tapsyrdy.

Qoǵamdyq qabyldaýǵa jazylǵan kelesi azamatsha – Moıynqum aýylynyń turǵyny, kóp balaly ana Kúlıash Smaǵulova óziniń 6 balasy bar ekenin aıtty. Jaǵdaıy joqtyǵyn, jáne mektep jasyndaǵy balalaryna mektepke qajetti quraldaryn, kıim-keshekterin alyp berýin surady. Úmit Ibraımova ótinish ıesimen tildese kele kópbalaly otbasy retinde ataýly áleýmettik kómek alatynyń anyqtap, balalaryn az qamtylǵan otbasylar tizimine kirgizýdi eskertti. Al óz kezeginde oblystyq partııa qoǵamdyq qabyldaý bólmesiniń meńgerýshisi Ú.Ibraımova aldaǵy ýaqytta atalǵan kómekti alǵanyn jiti baqylaıtyndyǵyn eske saldy. Qabyldaý barysynda aýdan ákimdiginiń ekonomıka jáne bıýdjetti josparlaý bóliminiń basshysy Tólegenov Sábıt óziniń árqashanda osyndaı kópbalaly analarǵa qol ushyn beretindigin jetkizip, Smaǵulova Kúlıashqa 7 synyp oqıtyn balasyna mektepke qajetti sporttyq kıim men sporttyq aıaq kıimin tapsyrdy. О́tinish ıesi óziniń rızashylyǵyn bildirip, qoǵamdyq qabyldaýǵa jınalǵan quzyrly organdardyń basshylary óz alǵysyn bildirdi.

Qoǵamdyq qabyldaýǵa kirgen Qylyshbaı aýylynyń turǵyny, kópbalaly ana Dıdanbekova Jazıra Qalmaqanqyzy kóp balaly ana retinde

memleketten qaıtarymsyz nesıe alǵysy keletinin jetkizip, ózine jeke kásip ashqysy keletindigin aıtyp, nesıe alýǵa kómektesýin ótindi. Jumyspen qamtý ortalyǵynyń dırektory Qalymbetova Baqyt Dıdanbekova Jazıra budan buryn ózine ótinish jasaǵanyn, sonymen qatar, bul azamatshanyń bıznes jobasyn ózi qorǵap shyqqanyn, bir apta kóleminde nesıe beriletindigin aıtyp, ótinish ıesin qýantty. Másele oń sheshimin tapty.

Qoǵamdyq qabyldaý sońynda «Nur Otan» partııasy Jambyl oblystyq fılılanyń qoǵamdyq qabyldaý bólmesiniń meńgerýshisi qatysyp otyrǵan quzyrly organdarǵa qoǵamdyq qabyldaýǵa únemi qatysyp, belsendilik tanytýǵa shaqyrdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir