• USD 468.56

  • EUR 497.56

  • RUB 7.3

  • CNY 67.18

29 Naýryz, 19:48:57
Almaty
+35°

Taraz qalasyndaǵy «Balasaǵun» ortalyq konsert zalynda «Keleshekke – kemel bilimmen» atty oblystyq Tamyz keńesi ótýde. Jıynda ótken oqý jylyna sholý jasalyp, jańa oqý jylyndaǵy maqsattar men josparlar naqtylanbaq dep jazady Qamshy.kz aqparat agenttigi. 

Jalpy, oblysta bilim berý júıesin damytýǵa erekshe nazar aýdarylýda. Bıyl bilim júıesin qarjylandyrýǵa 130 mlrd. teńge bólindi, bul ótken jylmen salystyrǵanda 22,2 mlrd. teńgege artyq (2017 jyly – 107,8 mlrd. tg.). Onyń 5,1 mlrd. teńgesi bilim berý nysandarynyń qurylysy men kúrdeli jóndeýge qaralǵan.

Oblysta bilim salasy jańa oqý jylynda birneshe jańalyqtarmen erekshelenbek. Atap aıtqanda mektepke deıingi bilim beretin uıymdardyń sany 545-ke jetti. Onda 55207 bala tárbıelenýde. О́ńirde mektepke deıingi tárbıemen qamtylǵandar úlesi 3-6 jas aralyǵynda 98,6%-ǵa artsa, jyl sońyna deıin 100%-ǵa qamtylady.

Jalpy, ótken oqý jyly jemisti boldy. Mektep bitirgen 8813 túlektiń 317-i «Altyn belgi» tós belgisine, al 242 oqýshy «Úzdik» attestatqa ıe boldy. Túlekterdiń 65,4 paıyzǵa jýyǵy joǵarǵy oqý oryndarynda oqýǵa memlekettik grant jeńip aldy.

Oblys oqýshylary halyqaralyq, dúnıejúzilik, respýblıkalyq pán olımpıadalary men ǵylymı jarystarda132 medaldardy ıelense (2018 j. - 123), shyǵarmashylyq baıqaýlarda 2967 júldeli oryndardy, túrli sport jarystarynda 238 medal jeńip aldy.

Respýblıkalyq «Ulttyq mektep lıgasynda» jambyldyq oqýshylar jalpy komandalyq esepte I orynǵa ıe boldy.

Shákirtterin bilim nárimen sýsyndatyp, adamgershilik rýhta tálim-tárbıe berip, jaqsy qasıetterdi boıyna darytýda muǵalimniń eńbegi zor. Oblysta 1232 pedagog respýblıkalyq, halyqaralyq baıqaýlar men qashyqtyq olımpıadalarynda jeńimpaz atandy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir