• USD 389.52
  • EUR 429.21
  • RUB 6.07
  • CNY 54.94
24 Qazan, 03:44:27
Nazarbaev: "Nur Otan" halyqty mazalaıtyn máselelerge aralaspaıdy

25 Tamyz, 2019 Aımaqtar

Tarazdyq kásipkerler týǵan jerdi túletýde aıanyp qalmaıdy  

 

Tarazdyq kásipkerler «Rýhanı jańǵyrý» baǵdarlamasy aıasynda týǵan ólkeniń ósip-órkendeýi jolynda demeýshilik tanytýda ózgelerge úlgi bolarlyq istiń basy-qasynan tabylyp júr. О́tken jyly tarazdyq jomart jandardyń kómegimen júzege asyrylǵan aýqymdy jobalardyń jalpy quny 374 mıllıon teńgeni qurady dep jazady Qamshy.kz aqparat agenttigi. 

Máselen jeke kásipker Arman Jumabaev temir jol beketi mańyndaǵy skverdi abattandyrýǵa 150 mıllıon teńgege kómek kórsetken. Al «Araıstroımarket» JShS-niń dırektory Arman Edilbaev «Atshabar» skveriniń qurylysyna 224 mıllıon teńge jumsady. О́tken jyly qala kúni qarsańynda paıdalanýǵa berilgen qos nysanda búginde qala qonaqtary men turǵyndary úshin súıikti demalys orny aınalǵan. Sondaı-aq Qazaqstan Respýblıkasynyń sport sheberi, áıelder arasynda kásipqoı bokstan álem chempıony Fırýza Sharıpova da «Týǵan jer» jobasyna qatysyp, óz bastamasymen bir otbasynda eki múmkindigi shekteýli bala tárbıelep otyrǵan tarazdyq Joldybaevtar januıasyna avtokólik syılady. Qazaqstannyń Eńbek Eri, «Sháýshen» sharýa qojalyǵynyń basshysy Saıranbaı Dónenbaev Taraz qalasyndaǵy Qaırat Rysqulbekov saıabaǵynda óz mázirinde ulttyq taǵam túrlerine basymdyq bergen «Ǵıbrat» ortalyǵyn ashty.

Qazaqstan Respýblıkasynyń Tuńǵysh Prezıdenti kúni qarsańynda «Araıstroımarket» jaýapkershiligi shekteýli seriktestiginiń dırektory Arman Edilbaev pen «Altaıs grýpp» jaýapkershiligi shekteýli seriktestiginiń dırektory Álimbek Jumabaevtyń demeýshiligimen tarazdyq Turǵanovtar, Ábilbashırovter otbasylaryna baspanaly bolý baqyty buıyrdy.

Elbasynyń «Rýhanı jańǵyrý» baǵdarlamasy jarııalanǵan jyly «Qazfosfat» JShS-niń bas dırektory Muqash Eskendirov óz qarajaty esebiinen «Myńbulaq» móltek aýdanynda ámbebap zamanaýı sporttyq alańshasynyń boı kóterýine muryndyq boldy. Bul alańshada bir mezgilde 25 bala sporttyń voleıbol, basketbol, shaǵyn fýtbol syndy túrlerin oınaı alady. Osynaý ıgi bastamanyń janynan tabylyp júrgen qalalyq máslıhattyń depýtaty Rýslan Kan «Samal» shaǵyn aýdanynda 25 jáne 30 úılerdiń aýlasyna beınebaqylaý júıesin engizdi. Al oblystyq máslıhattyń depýtaty, Taraz ınnovasııalyq-gýmanıtarlyq ýnıversıtetiniń rektory Erbolat Saýryqov 12 talapkerdiń joǵary bilimdi tegin alýyna jaǵdaı jasady.Bul múmkindik «Taraz» fýtbol klýbynyń qosalqy quramynda óner kórsetetin 9 sportshy men 3 múmkindigi shekteýli azamatqa berildi.

Budan ózge, oblys ortalyǵyndaǵy Ǵylymı-klınıkalyq kardıohırýrgııa jáne transplantologııa ortalyǵynyń jetekshisi, bilikti dáriger jeke 3800 turǵyndy tegin dárigerlik tekserýden ótkizdi. Oblys ortalyǵynyń kógerishtendirý, kórkeıtý isine úles qosyp júrgen «Jasulan ı K» JShS-niń dırektory J.Omarova az qamtamasyz etilgen bir otbasynan shyqqan balanyń 5 jyldyq oqý aqysyn tólep berdi.

Mine, tarazdyq atymtaı jomart jandar qoǵamdyq sanany jańǵyrtýdy maqsat etken «Rýhanı jańǵyrý» baǵdarlamasyn joǵary da atalǵan izgi amaldardyń baǵdarlamasy retinde qabyldap júr. Ári olar myńdaǵan jerlesterine sol baǵdarlamanyń sharapatyn sezinýge múmkindik berip júr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir