• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:35:27
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

25 Tamyz, 2019 Aımaqtar

Jambylda Turar Rysqulov jaıynda fılm túsirilmek  

 

Elbasynyń «Uly dalanyń jeti qyry» atty maqalasynda aıtylǵan «Tarıhtyń kıno óneri men televızııadaǵy kórinisi» arnaıy jobasyna úles qosý maqsatynda jambyldyq jastar aǵymdaǵy jyly 125 jyldyǵy toılanatyn qazaqtyń birtýar uly Turar Rysqulv jaıynda qysqametrajdy fılm túsirýdi qolǵa almaq dep jazady Qamshy.kz aqparat agenttigi. 

Elbasy «Uly dalanyń jeti qyry» maqalasynda urpaq tárbıesinde olardyń sanasyna áser etýdegi kınonyń aıryqsha róli sóz bolady. Sondyqtan jaýapty mekemelerge qazaq tarıhynda iz qaldyrǵan oqıǵalarmen olardan tanylǵan tulǵalar jaıynda fılmder shyǵarý tapsyrylǵan-dy. Rasynda qazaq halqynyń tarıhynda ómiri tutas bir kınokartınaǵa arqaý bolatyn tulǵalar jeterlik.

–Bul arnaıy joba aıasynda qazaqstandyq jazýshylardyń shyǵarmashylyǵy tarıhı fılmder túsirý jáne shyǵarmashyl jastardy kıno álemine tartý, úzdik ssenarıılerdi jazýǵa yntalandyrý baǵyttarynda jumys atqaryp kelemiz. «Uly dalanyń jeti qyry» maqalasynan týyndaǵan mindetin júzege asyrýda aǵymdaǵy jyly alǵa qoıylǵan aýqymdy is-sharalar jeterlik. Máselen bıyl Jambyl oblysy ákimdiginiń mádenıet, arhıvter jáne qujattama basqarmasynyń uıymdastyrýymen jastar arasynda «Úzdik ssenarııler», «Jalyndy jastyq shaq» beınerolıkter baıqaýy uıymdastyrylady. Sondaı-aq, Merki aýdany ákimdiginiń muryndyq bolýymen Merki, Aspara qalashyǵy, Merki – 1,2,3,4,10 qorǵandary men Sandyq, Qaraqystaq shatqaly, balbal tastardyń jaıynda tarıhı derekti fılmder túsirýdi josparǵa engizdik. Sonymen qatar aǵymdaǵy jyly Jýaly aýany ákimdiginiń demeýshilik etýimen Sherhan Murtaza atamyzdyń «Qyzyl jebe» romany jelisinde Turar Rysqulov týraly qysqametrajdy fılmin túsirýdi qolǵa alýǵa nıet etip otyrmyz, –deıdi oblystyq «Rýhanı jańǵyrý» jobalyq ofısiniń jetekshisi Serikbol Berikqoja.

Aıta ketý kerek aǵymdaǵy jyly 125 jyldyǵy atalyp ótiletin Turar Rysqulovtyń saıası qaıratker retinde ómir joly kózi qaraqty oqyrmanǵa jaqsy tanys. О́ıtkeni onyń ǵumyrnamalyq romany sanalatyn Sherhan Murtazanyń «Qyzyl jebesi» kezinde oqyrmandar tarapynan oń baǵasyn alǵan týyndy. Áýeli patsha ákimshiliginen keıinnen jergilikti baı bolystardyń qysymyna shydamaı birde qazirgi Almaty qalasynyń mańyn, birde Túrkistan oblysynyń Túlkibas aýdanyn meken etip bas saýǵalaǵan otbasynan shyqqan Turar Keńes odaǵyn ornatý isine belsene qatysady. Kózin ashqannan túrme tárbıesin kórgen ol bul iske joǵary saıası saýattylyqpen jáne yjdahattylyqpen kiristi. Sonyń arqasynda az ýaqytta Áýlıeata ýezdik keńesiniń atqarý komıteti tóraǵasynyń orynbasarynan Túrkistan avtonomııaly Respýblıkasynyń Densaýlyq saqtaý halyq komıssary, Túrkistan Ortalyq atqarý komıtetiniń tóraǵasy qyzmetterine deıin kóterildi. Al ómiriniń sońǵy sátine deıin Reseı Federasııasy Halyq komıssarlary keńesi tóraǵasynyń orynbasary qyzmetin atqarǵan tulǵa.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir