• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:10:05
Qazaqstanda másele sheshilý úshin aldymen adam ólýi kerek

25 Tamyz, 2019 Aımaqtar

Jambyl oblysynda taý-shańǵy bazasy jobasy qolǵa alyndy  

Jambyl oblysynyń Jýaly aýdanynda boı kóterip jatqan «Qaralma» taý-shańǵy bazasy óńir turǵyndary men qonaqtaryna jyl boıy qyzmet kórsetetin biregeı keshenge aınalmaq dep jazady Qamshy.kz aqparat agenttigi. 

О́tken jyly oblys ákimi Asqar Myrzahmetovtiń bastamasymen Talas Alataýynyń 3200 metr bıiktiginde ornalasqan «Qaralma» taý-shańǵy bazasy» jobasy qolǵa alynǵan edi. Keshen «Kóksaı»shatqaly men «Aqsý-Jabaǵyly»

Tabıǵı qoryǵynyń aýmaǵynda boı kóterýde. Ári munda aq ulpa qar mamyr aıyna deıin erimeı jatady. Nysan ornalasqan aýmaq oblys ortalyǵynan da qashyq emes.Halyqaralyq avtodáliz de irgesinen ótip jatyr.

–Jobalyq quny 3 mıllıard 355 mıllıon teńgeni quraıtyn «Qaralma» taý-shańǵy bazasy jobasyn júzege asyrý maqsatynda 274 gektar aýmaqta qurylys jumystary qarqyndy júrgizilýde. Munda shańǵyshylarǵa arnalǵan uzyndyǵy 2050 metr bolatyn aspaly jol salynǵan. «Qaralma» kesheniniń quramyna quramyna 20 kottedj, 100 oryndyq 1 meımanhana, árqaısysy 70 oryndyq 2 meıramhana, 30 oryndyq kafe, baqylaý munarasy, qyzmet kórsetý ortalyǵy, 100 avtokólikke arnalǵan avtoturaq, basseın jáne basqa da saýda-oıyn-saýyq oryndary kiretin bolady. Keshen óz tutynýshylaryna jyl on eki qyzmet kórsetetin bolady, –deıdi Jambyl oblysy ákimdiginiń týrızm basqarmasynyń basshysy Qarlyǵash Aralbekova.

Bir sózben aıtqanda Jambyldyń Shymbulaǵyna aınaldyrý úshin Qaralma shatqaly taptyrmas oryn. Ony zamanaýı úlgidegi taý shańǵy bazasyna aınaldyrý múmkin bolsa munda bir kúnde 3 myń saıahatshyǵa qyzmet kórsetilmek. Qazir keshendegi qurylys jumystary bel ortasyna taıap qaldy. Negizinen «Qaralma» qurylysy eki kezeńde júzege asatyn bolady. Onyń alǵashqysynda jappaı halyqtyq, ıaǵnı jastar men balalarǵa, otbasylyq demalysqa arnalǵan shańǵy trassalary salynady. Al ekinshi kezeńde kásibı deńgeıdegi syrǵanaý joldaryna kezek beriledi. Sondaı-aq munda 2 shaqyrymnan asatyn zamanaýı úlgidegi aspaly temir arqan jol ornatýǵa paıdalynylatyn qural-jabdyqtar Aýstrııadan ákelinetin bolady. Joba tolyǵymen memlekettik jekemenshik áriptestik negizinde júzege asyrylady. Sondyqtan joba kásipkerler tarapynan zor suranysqa ıe. Al bolashaqta «Qaralma» taý shańǵy bazasyna ınvestorlar tartylmaq. Jospar boıynsha nysannyń qurylysy bıylǵy jyldyń jeltoqsan aıyna deıin aıaqtalyp, turǵyndar «Qaralma» taý-shańǵy bazasynda demala alady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir