• USD 378.65
  • EUR 430.07
  • RUB 6
  • CNY 55.1
23 Qyrkúıek, 05:19:26
Kekilbaevqa arnalǵan kesh

25 Tamyz, 2019 Aımaqtar

Jambyl oblysy tyń jáne tyńaıǵan jerlerdi ıgerý jyldarynda

Tyń jáne tyńaıǵan jerlerdi ıgerý jyldary Jambyl oblysyndaǵy keńsharlar sany 6 esege ulǵaıǵan. Jambyldyq dıqandar ár gektarynan 19,1 sentner dán jınady. Sol jyldary qambaǵa quıylǵan astyqtyń jalpy kólemi 1 mıllıon 163 myń tonna boldy dep jazady Qamshy.kz aqparat agenttigi. 

Oblystyq muraǵattaǵy málimetterge qaraǵanda Jambyl oblysy aýmaǵyndaǵy tyń jáne tyńaıǵan jerlerdi ıgerý jumystary 1954 jyldyń 19- qazanynda Qazaq SSR Mınıstrler Soveti «Jambyl oblysynda jańa astyq sovhozdaryn uıymdastyrý týraly» qaýlysy qabyldanǵannan keıin bastaldy. Atalǵan qujatta oblys aýmaǵynda 249 myń gektar onyń ishinde astyq egýge jaramdy 126 myń gektar alqapty jańadan jańadan uıymdastyrylatyn tyń keńsharlarǵa berý usynyldy.

Buǵan deıin Jambyl oblystyq soveti atqarý komıteti oblys aýmaǵynan 12, Qazaq SSR Sovhozdar mınıstrligi 9 tyń sovhozyn uıymdastyrýdy usyndy. Jańadan boı kótergen sovhozdarǵa Búkilodaqtyq tyń ıgerý ekpindi naýqanyna oraı Reseıden, Ýkraınadan, Armenııadan, Kavkazdan, О́zbekstannan, taǵy da basqa elderden tyń ıgerýshiler kele bastady.

Jambyl oblysynda tyń jáne tyńaıǵan jerlerdi ıgerý maqsatynda «Túrkistan», «Podgornyı», «Aspara», «Shoqpar», «Dalaqaınar», «Qarataý», «Qoraǵaty», «Qordaı», «Krasnogor» sovhozdary quryldy. Bir ǵana Túrkistan sovhozy 1955 jyly 23 myń sentner astyq óndirse, 1978 jyly bul kórsetkish 162 myń sentner boldy. 1978 jyly bul sovhozdardyń qaraýynda 622 myń gektar jer boldy. Onyń 100 myń gektaryna astyq daqyly sebildi. Olardyń traktor-mashına sheberhanalarynda 1300 traktor, kombaın jáne avtomashına shoǵyrlandy..

Jalpy oblysta 1953 jyly oblysta 13 keńshar bolsa, 1977 jyly olardyń sany 91-ge jetti. Oblys dıhandary 1 mıllıon 163 myń tonna astyq jınady. Ár gektardan 19,1 sentnerden altyn dán bastyrdy. Tyń sharýashylyqtary arasynda Lýgovoı aýdanyndaǵy «Podgornyı» keńsharynyń qol jetkizgen jetistigi maqtanarlyq boldy. «Podgornyı» keńsharyn 1960 jyldan bastap Nıkolaı Ivanovıch Golıktiń basqarǵan tusta onyń tabysy ulǵaıa tústi. Uly Otan soǵysy ardageri sharýashylyqty kóterýmen birge ózi de ataq- dańqqa bólendi. Qazaq jerinde ol omyraýyna eki Lenın, Eńbek Qyzyl Tý, «Qurmet Belgisi» ordenderin qadady. Al 1971 jyly oǵan Sosıalıstik Eńbek Eri ataǵy berildi. 16 jyl sharýashylyqty basqarǵan Nıkolaı Ivanovıch podgornyılyqtardyń ǵana emes, búkil Jambyl oblysynyń qurmettisine aınaldy. Osylaısha tyń jáne tyńaıǵan jerlerdi ıgerýdiń tarıhy Jambyl jerinde de jazyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir