• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:08:27
Qazaqstanda másele sheshilý úshin aldymen adam ólýi kerek

25 Tamyz, 2019 Aımaqtar

M.Áýezov shyǵarmasyna arqaý bolǵan "Túrkistan" keńshary Jambyl óńirinde

Qazaqtyń zańǵar jazýshysy Muhtar Áýezovtiń «Túrkistan solaı týǵan» dep atalatyn týyndysy Jambyl oblysy aýmaǵyndaǵy tyń jáne tyńaıǵan jerlerdi ıgerý jumystary kezinde qurylǵan «Túrkistan» keńshary týraly jazylǵan dep jazady Qamshy.kz aqparat agenttigi. 

Jalpy Jambyl oblysy aýmaǵyndaǵy tyń jáne tyńaıǵan jerlerdi ıgerý jumystaryn 1954 jyldyń 19- qazanynda Qazaq SSR Mınıstrler Soveti «Jambyl oblysynda jańa astyq sovhozdaryn uıymdastyrý týraly» qaýlysy qabyldanǵannan keıin qarqyn aldy. Bul jumystardyń resmı bastaýy bolǵan qujatta oblys aýmaǵynda 249 myń gektar onyń ishinde astyq egýge jaramdy 126 myń gektar alqapty jańadan jańadan uıymdastyrylatyn tyń keńsharlarǵa berý usynyldy. Sondaı Jambyl oblystyq soveti atqarý komıteti oblys aýmaǵynan 12, Qazaq SSR Sovhozdar mınıstrligi 9 tyń keńsharyn uıymdastyrý týraly bastama kótergen. О́z kezeginde Keńes odaǵy quramyndaǵy elderdiń qoǵamdyq-saıası ómirindegi osy bir ózgerister keńes-qazaq ádebıetshileriniń shyǵarmashylyǵyna da áser etken. Máselen qazaqtyń zańǵar jazýshysy Muhtar Áýezovtyń qalamynan shyqqan «Túrkistan solaı týǵan» ocherkine qazirgi Sarysý aýdanynyń Baıqadam aýylynyń aýmaǵynda qurylǵan «Túrkistan» keńsharynyń aıaqqa turý tarıhy arqaý bolǵan. Atalǵan tyń keńshary Ortalyq Azııadaǵy Túrkistan áskerı okrýginiń sheftik qamqorlyqqa alynýymen qurylǵan. Sondyqtan da bul keńsharǵa «Túrkistan» ataýy berilgen.

Negizinen tyń jáne tyńaıǵan jerlerde jańa keńsharlardy uıymdastyrýǵa áskerılerdi tartý arnaıy qaýlymen retteldi. Keńes odaǵynyń Mınıstrler Keńesiniń 1954 jyldyń 14 qazanynda «Zapasqa shyǵatyn áskerı qyzmetkerlerdi aýyl sharýashylyqtarynda paıdalaný jaıly» qaýlysy shyqty. Sol qaýlyǵa saı 85-90 myń áskerı qyzmetshi jańadan ujymdasyp jatqan keńsharlarǵa joldamamen jiberilip jatty.Mselen Ortalyq Azııada oryn tepken Túrkistan áskerı okrýgi Sarysý aýdanyndaǵy «Túrkistan» keńsharyn óz qamqorlyǵyna alǵan. Bul keńshar alǵashynda «Baıqadam» dep atalǵan. Zapasqa shyqqan soldattarmen birge tehnıka, áskerı shatyrlar, kóshpeli monsha, ashana, úlken sý, janar-jaǵar maı quıatyn ydystar, qurylys materıaldaryn jetkizdi. Olar «Túrkistan» keńsharynda 1955 jyldyń jazynda bir kósheniń boıynda 2 páterlik 6 úı, 4 páterlik 12 aǵash úı turǵyzdy. Sol sebepti de jańa qurylyp jatqan keńshar osy áskerı okrýgtyń atymen «Túrkistan» dep ataldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir