• USD 468.56

  • EUR 497.56

  • RUB 7.3

  • CNY 67.18

29 Naýryz, 14:52:49
Almaty
+35°

Muraǵat derekterinde Jambyl oblysynyń oqý aǵartý salasy úshin 1962-1963 oqý jylynyń barynsha jańalyqqa tol bolǵanyn baıqaýǵa bolady. О́ıtkeni dál osy ýaqytta sol kezdegi Jambyl qalasyndaǵy alǵashqy oqý orny esigin aıqara ashty dep jazady Qamshy.kz aqparat agenttigi. 

1962 jyldyń kúzinde Jambyl qalasyndaǵy Qazaq memlekettik aýyl sharýashylyq ınstıtýtynyń gıdromelıoratıvtik fakýltetiniń negizinde Jambyl gıdromelıoratıvtik-qurylys ınstıtýty ashyldy. О́z kezeginde oblystaǵy bul alǵashqy joǵary oqý orny ónerkásiptik jáne azamattyq qurylys, gıdromelıorasııa, gıdrotehnıkalyq qurylymdar jáne sý elektr stansalary qurylysy, sýmen qamtamasyz etý jáne kanalızasııa mamandyqtary boıynsha kúndizgi jáne syrttaı oqytý túrleri boıynsha mamandar daıyndady. Instıtýttyń alǵashqy rektory tehnıka ǵylymdarynyń doktory, Qazaq SSR Ǵylym Akademııasynyń korrespondent múshesi, Qazaq SSR-na eńbegi sińgen gıdrotehnık Rahmet Jolaev boldy.

Gıdrotehnıka ǵylymy salasynda belgili ǵalym Rahmet Janǵazyuly ózi irgetasyn qalaǵan joǵary oqý ornyn 1973 jylǵa deıin jemisti basqardy. Al 1973 jyldan bastap oqý ornynyń tizginin sol kezdegi Qazaqstandaǵy ınstıtýttar men ýnıversıtetteri arasyndaǵy eń jas rektory bolǵan Mars Úrkimbaev qolǵa aldy. Mars Fazylulynyń basshylyqqa kelýimen oqý ornynda jańa mamandyqtar paıda bolyp, professor-oqytýshylar quramynyń ǵylymı áleýeti artty. Sondaı-aq ınstıtýttyń kúndelikti qoǵamdyq ómirinde sportqa basa mán berilip, jańa sporttyq seksııalar ashyldy. Stýdentter men oqytýshylardy jataqhanamen qamtý isi de oń sheshimin tapty.

Alǵash ashylǵan kúnnen bastap Jambyl gıdromelıoratıvtik-qurylys ınstıtýty tutas Keńes odaǵyndaǵy sý sharýashylyǵy salasy úshin maman daıarlaý isimen aınalysty. Sol kezeńde gıdrtehnıkterdi daıarlaıtyn mundaı qurylym Keńes odaǵy aýmaǵynda eki-aq qalada boldy

Arada 30 jylǵa jýyq ýaqyt ótken soń ınstıtýt 1958 jyldan oblys ortalyǵynda Qazaq hımııa tehnologııa ınstıtýtynyń fılıaly retinde jumys jasap, 1963 jyly Jambyl jeńil jáne tamaq ónerkásibi tehnologııasy ınstıtýtyna aınalǵan oqý ornymen bas qurap, qazirgi M.H.Dýlatı atyndaǵy Taraz memlekettik ýnıversıtetiniń negizin saldy. Búginde atalǵan oqý ornynda bilim alǵan stýdentterdiń keıbiri úlken memlekettik qyzmetterde minsiz jumys jasaýda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir