• USD 378.65
  • EUR 430.07
  • RUB 6
  • CNY 55.1
20 Qyrkúıek, 08:13:20
Latyn álipbıine kóshý máseleleri semınar-keńeste sóz boldy

25 Tamyz, 2019 Aımaqtar

1960 jyly Jambyl oblysynda 2 meshit jumys jasaǵan

Keńestik júıe kúshine enip, qyzyl ımperııa qahar tókken 1960 jyly Jambyl oblysynda 2 meshit bolǵan.Alaıda bul qylyshynan tamyp turǵan Keńes odaǵy ornaǵan alǵashqy jyldarmen salystyrǵanda áldeqaıda tómen kórsetkish edi.1935 jyly óńirde jumys jasaǵan meshit pen shirkeýdiń jalpy sany 33 bolatyn dep jazady Qamshy.kz aqparat agenttigi. 

«Din–apıyn» degen kózqarasty ustanyp, dinsiz, qudaısyz qoǵam qurýǵa umtylýshylyqtar bolǵanymen Keńes odaǵy tusynda da dinı uıymdar men mekemeler turaqty jumys jasap turǵan eken. Soǵan qaramastan bılik dinı uıymdar men qoǵam arasyndaǵy baılanysty basty nazarda ustaǵan syńaıly. Oblystyq muraǵattar qoryndaǵy málimetterde 1935 jyly Jambyl qalasynda 33 meshit pen shirkeý bolsa, 1960 jyldyń sońynda oblysta resmı túrde eki meshit jumys jasaǵany aıtylady. Onyń biri Jambyl qalasynda bolsa, ekinshisi Merki aýdanynda ornalasty.

Resmı málimetter 1960 jyldardaǵy jaǵdaı boıynsha óńirde 6000-nan asa adamnyń Islam dinine sengendigin aıǵaqtaıdy. Al Jambyl qalasyndaǵy meshitke kún saıyn namaz oqý úshin 60-80 adam keletindigi anyqtalǵan. Juma namaz kezinde bul kórsetkish 2000-ǵa deıin ulǵaıǵan. Oraza, qurban aıt namazy kúnderi olardyń sany tipti 4500-ge jetipti.

Oblystyq muraǵatta saqtalǵan endi bir derekte Taraz qalasyndaǵy meshittiń tabysy 1958 jyly 199 784 som bolǵany jazylǵan. 1959 jyly meshitke túsken jyldyq tabys 164 035 somdy qurapty. Al 1960 jyly «Qudaı úıine» 136056 som tabys túsken eken. Bul qarjy negizinen meshitte neke qııýdan, janaza shyǵarýdan, qatym quran túsirýden, pitirden jáne erikti túrde qarjy berýden jınalyp otyrǵan. Islamnyń keıbir sharttaryn oryndaý maqsatyn oblys aýdandaryndaǵy tirkelmegen eldi mekenderdi aralap júretin 80 molda da bolǵan eken. Meshitten bólek sol tusta oblys aýmaǵyn meken etken musylmandar arasynan Qarahan áýlıe, Shomansur, Aısha bıbi, Babadja Hatýn, Tekturmas, Sypataı batyr keseneleri men mazarlaryna táý ete baratyndardyń bolǵandyǵy jazylady.

Meshitterden bólek Jambyl qalasynda evangelıst-hrıstıan baptısteriniń ǵıbadat úıi jumys istep turǵan kórinedi. Sonymen birge, 15 tirkelmegen birlestikter men sektalar úgit-nasıhat jumysyn júrgizgen. Olar negizinen senbi, jeksenbi kúnderi dinge senýshilerdiń jeke úılerinde bas qosty. Olardyń arasynda neshe túrli aǵymdy nasıhattaýshylar boldy. Esep boıynsha olardyń jalpy sany 6000-nan asty.

Alaıda muraǵat qoryndaǵy dinı uıymdardyń jumysy jaıynda keltirilgen málimetterde dinı birlestikterdiń árbir is-áreketi, jınalǵan adam sany, qarajaty qatań baqylaýda bolǵanyn ańǵarylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir