• USD 468.56

  • EUR 497.56

  • RUB 7.3

  • CNY 67.18

29 Naýryz, 18:59:02
Almaty
+35°

Asa kúrdeli saıası, ekonomıkalyq qıynshylyqtar shaǵynda óz aldyna otaý tikken Jambyl oblysynda 1939 jyly júrgizilgen sanaǵy nátıjesi boıynsha 320 390 turǵyn turǵan dep jazady Qamshy.kz aqparat agenttigi. 

Alǵashynda 9 aýdannan turǵan oblys quramyna Ońtústik Qazaqstan oblysynan 6 aýdan, Almaty oblysynan 3 aýdan berilgen eken. «Sol kezdegi oblysta mekendeıtin 320 390 turǵy 121 selolyq, 4 qalalyq jáne poselkelik sovetterge biriktirildi» delingen arhıv derekterinde. Al 1939 jyly júrgizilgen halyq sanaǵy kezinde oblys aýmaǵynda 1154 eldi meken bolǵan. Oblystaǵy halyq tyǵyzdyǵy 1sharshy kılometrge 2,6 adamnan keldi. Sarysý aýdanynda bul kórsetkish nebári 0,4-ke teń boldy.

Resmı málimetter 80 jyl buryn jambyldyqtardyń 30 paıyzy Jambyl qalasymen birge Shý, Lýgovoe (qazirgi Qulan), Merke syndy aýdan ortalyqtaryndaǵy jumysshy poselkelerinde turǵanyn dáleldeıdi. Bir ǵana Jambyl (qazirgi Taraz) qalasyn oblys qurylǵan alǵashqy jyldary 51 961 turǵyn meken etipti. Onyń 31 952-i orys halqynan bolsa, Jambyldaǵy jergilikti qazaqtardyń sany 10 404-tiń shamasynda bolǵan. Sondaı-aq jańadan qurylǵan oblystyń ortalyǵynda 5946 ózbek, 1854 tatar, 9197 tatar jáne 3875 ózge ult ókilderi tatý-tátti ǵumyr keshken. Qala turǵyndarynyń basym bóliginen 60 jasqa deıingi turǵyndar quraǵan. Sondaı-aq Jambyl qalasy turǵyndary qatysty bir qyzyq derek. Jambyldyq (qalalyq) er azamattardyń sany áıelderden 1300-ge kóp bolǵan kórinedi.Ári qalalyq er azamattardyń 90 paıyzy qara tanysa, saýatty názikjandylardyń úlesi 25 paıyzǵa teń bolǵan.

Turǵyndar sany jóninen Jambyl qalasynan soń Shý, Merki men Qordaı aýdandary kósh bastady. Halqynyń sany Jambyl qalasymen shamalas Shý óńirinde sol jyldary 45 387 adam ómir súrgen. Merki aýdanyndaǵy halyqtyń jalpy 40 556-ǵa jetti. Al Qordaı aýdanyndaǵy halyqtyń jalpy sany 36 295 boldy. Sverdlov (qazirgi Baızaq aýdany) aýdanynda halyq tyǵyz shoǵyrlandy. Arhıv derekteri sverdlovtyqtardyń jalpy sanyn 24 570 adam bolǵanyn kórsetedi. Sondaı-aq Krasnogorsk aýdanynda 14160 myń adam tursa, Kókterek aýdanynda 12 116 turǵyn meken etken. Sarysý, Talas aýdandarynda da halyq tyǵyzdyǵy óte tómen boldy. Máselen Sarysý aýdanynda 1939 jyly 12 194 adam tursa, talastyqtardyń jalpy sany 17 941 bolǵan.

Al qazir oblys turǵyndarynyń jalpy sany 1 mıllıonnan asyp jyǵylady. Ári óńirde jyl sanap tabıǵı ósim baıqalýda. 80 jyl buryn nebári 54 myń jýyq turǵyn turǵan Taraz qalasynyń halqy bul kúnde 6 esege deıin ulǵaıǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir