• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:34:24
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

24 Tamyz, 2019 Aımaqtar

Jambylda «Mektepke jol» aksııasy jalǵasýda

Mine, sanaýly kúnderden keıin elimizdegi barlyq mektepterde «Alǵashqy qońyraý» soǵylyp, jańa oqý jyly bastalady. Bul turǵyda balalardy mektepke daıyndaý da qaltaǵa ájepteýir salmaq salatyndyǵy aıtpasa da túsinikti. Ásirese, kópbalaly jáne turmysy tómen obasylar úshin ońaı soqpaıdy. Osy oraıda «Mektepke jol» aksııasynyń tıgizer kómegi kóp. Bul iske jambyldyqtar da aıryqsha atsalysyp, ózindik úlesterin qosýda.

Qalyptasqan dástúr boıynsha atalmysh aksııa 1 shildeden «Mektepke jol» bastaý alyp, balalarǵa qýanysh syılaıdy. Bul úrdis bizdiń Jambyl oblysynda da laıyqty jalǵasyn taýyp, muqtaj otbasylarǵa kóp kómegin tıgizýde. Osy oraıda arnaıy is-sharalar jospary ázirlenip, oblys ákimdigi tarapynan bekitilgen.

Oblys ákimdigi bilim basqarmasy bergen málimetke súıensek, aksııa aıasynda bıylǵy 1 shilde – 15 tamyz aralyǵynda oblys boıynsha 1129 reıdtik is-shara júrgizilgen.

– Reıdtik is-sharalarǵa bilim berý jáne balalardyń quqyǵyn qorǵaý uıymdarynyń, azamattyq qoǵam ınstıtýttarynyń, buqaralyq aqparat quraldarynyń ókilderi, polısııa bóliminiń qyzmetkerleri, halyqty áleýmettik qorǵaý salasynyń mamandary, ata-analar, barlyǵy 1689 tulǵa qatysty. Aksııa aıasynda 2019 jylǵy 1 shilde – 15 tamyz aralyǵynda barlyǵy 18 577 balaǵa 210 mıllıon 665 myń teńge, onyń ishinde 17 592 balaǵa 197 mıllıon 869 myń teńge jergilikti bıýdjet esebinen, al 985 balaǵa 12 mıllıon 795 myń teńge demeýshiler esebinen materıaldyq kómek kórsetildi. Búgingi kúnge kóp balaly jáne az qamtylǵan otbasynan shyqqan balalardyń sany 28230 quraıdy, – deıdi oblystyq bilim basqarmasynyń bas mamany Gaýhar Baıtelıeva.

Jalpy, ótken jyly «Mektepke jol» aksııasy barysynda 32 106 kóp balaly jáne az qamtylǵan otbasylardan shyqqan, jetim jáne ata-anasynyń qamqorlyǵynsyz qalǵan balalarǵa 324 mıllıon 752 myń teńgege materıaldyq kómek kórsetilipti. Endi aldaǵy ýaqytta óńirlik is-sharalar josparyna sáıkes bul baǵyttaǵy jumystar jalǵasa bermek. Aıta keterligi, bilim basqarmasynda jyl boıy azamattardyń ótinishteri boıynsha jedel shara qoldaný maqsatynda baılanys telefondary qyzmet etedi. Atalǵan shara týraly bilgisi kelgen azamattar 43-88-32, 43-88-42, 43-88-41 telefondary arqyly kókeıindegi suraqtaryna jaýap taba alady. Osyndaı baılanys telefondary barlyq bilim bólimderinde de qyzmet etedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir