• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:47:02
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

24 Tamyz, 2019 Aımaqtar

Jambylda balalarǵa arnalǵan erekshe baıqaý ótip jatyr

Jambylda balalarǵa arnalǵan erekshe baıqaý ótýde dep jazady Qamshy.kz aqparat agenttigi. 

Jambyl oblysy ákimdiginiń mádenıet, arhıvter jáne qujattama basqarmasy men D.A.Qonaev atyndaǵy Jambyl oblystyq balalar men jasóspirimder kitaphanasynyń uıymdastyrýymen «Rýhanı qazyna» kishi baǵdarlamasynyń aıasynda jyl saıyn balalar men jasóspirimder taqyrybyna qalam terbeıtin qazaq aqyndary men jazýshylarynyń shyǵarmashylyǵyna arnalǵan «Álemdi kitap arqyly tanımyn» atty kórkem ádebıet týyndylaryn eń kóp oqıtyn oqyrmandar arasynda oblystyq baıqaý ótkizilip keledi. О́tken jyly osyndaı is-shara aıtýly balalar aqyny Sultan Qalıevtiń shyǵarmalaryna arnalǵan edi.

Al bıyl osy baıqaýǵa qazaq balalar ádebıetiniń kórnekti tulǵasy, respýblıkalyq jabyq ádebı konkýrstardyń alty dúrkin, halyqaralyq «Daraboz» konkýrsynyń eki dúrkin laýreaty, sol konkýrstyń 2015 jylǵy Gran-prı ıegeri Pernebaı Dúısenbınniń shyǵarmashylyǵy tańdalyp alynǵan. Baıqaýdyń bıylǵy alǵashqy is-sharasy Sarysý aýdanynan bastaý alyptyy. Oǵan oblystyq balalar men jasóspirimder kitaphanasynyń dırektory Gúlfaırýz Ińkárbekova men bólim meńgerýshisi Janar Táttimbetova, kitaphanalar júıesiniń dırektory Sveta Qojanazarova qatysyp baıqaýǵa qazylyq etti.

Aıta ketý kerek, baıqaýda qatysýshylar "Men - kitaphananyń turaqty oqyrmanymyn", "Pernebaı Dúısenbın - balalar ádebıetiniń kórnekti jazýshysy", "Portret galereıasy", "Jazýshynyń ómiri men shyǵarmashylyǵy" syndy tórt atalym boıynsha synǵa túsken.

Úmitkerler jazýshynyń áńgimelerinen, ertegileri men ańyzdarynan, povesterinen úzindilerdi jatqa oqydy. Sondaı-aq "Alpamys batyr" dramasy boıynsha sahnalyq kórinister qoıdy.

Árıne, saıys bolǵan soń úzdikterdiń jeńiske jetýi zańdylyq. Osy oraıda 24 úmitker qatysqan saıysta qazylar alqasynyń sheshimimen Baıqadam Qashqynbaev atyndaǵy orta mekteptiń 4- synyp oqýshysy Esengeldi Asylaı men Muhtar Áýezov atyndaǵy mektep-gımnazııanyń 6-synyp oqýshysy Tynyshtyqbaı Eldos óz qatarlastary arasynan oq boıy ozyq shyǵyp, jeńimpaz atandy. Endi olar ústimizdegi jyldyń qyrkúıek aıynda Taraz qalasynda ótetin oblystyq baıqaýda óz baqtaryn synaıdy.

-Osy baıqaýdyń negizgi maqsaty qazaq balalar jazýshylarynyń san alýan taqyryptaǵy kórkem shyǵarmalary, tanymdyq tárbıelik týyndylary, ertegileri men ańyzdary, povesteri men áńgimeleri, óleńderi men jyrlary

arqyly jas jetkinshekterdiń kitapqa degen úlken qyzyǵýshylyǵyn oıatý edi. Sol turǵydan kelgende baıqaýdyń balǵyn oqyrmandarǵa bereri mol. Osyndaı izgilikti, rýhanı sharalar budan bylaı da óz jalǵasyn taba beretinine senemiz,-deıdi Sarysý aýdandyq ortalyqtandyrylǵan kitaphanalar júıesi dırektorynyń orynbasary Aıtbala Jolmahanova.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir