Jambylda kásipkerler jańa jumys oryndaryn kóptep ashyp jatyr

Jambylda shaǵyn kásipkerlik sýbektilerin nesıelendirý baǵdarlamasy baǵdaryn tabýdadep jazady Qamshy.kz aqparat agenttigi.  Búgingi kúnge óńirde 5 shaǵyn mıkrokredıttik uıymdar kásipkerlik sýbektilerine nesıe taratý qyzmetimen aınalysýda. 2018 jyldyń qańtar-maýsym aılarynda osy uıymdar barlyǵy 2513 adamǵa 1 395 075,0 myń teńge nesıe taratsa, Jýaly aýdany da óz enshisin alyp otyr.

«KazMicroFinance» jaýapkershiligi shekteýli seriktestiginiń Jýaly aýdanyndaǵy bólimshesimen 1626 adamǵa 915 mln. 215 myń teńge nesıe berilgen.

«Jýaly» nesıe seriktestigi» JShS-men 23 adamǵa 167 mln. 777 myń teńge nesıe bosatylǵan.

«Azııa nesıe qory» JShS-gi 476 adamǵa 151 mln. 868 myń teńge kóleminde nesıe taratqan.

«Arnur-Kredıt» JShS-gi mıkrokredıttik uıymymen 388 adamǵa 160 mln. 215 myń teńge nesıe úlestirgen.

«Jýaly-Rante» shaǵyn kredıttik uıymy qańtar-naýryz aılarynda eshqandaı nesıe taratqan joq, tek qana burynǵy berilgen nesıelerdi jınaqtaý jumysymen aınalysýda.

«Qazgıdroopereıtıng» JShS-men «Kók saı» kanalynyń boıynan qýattylyǵy 18 mVt. quraıtyn kishi sý elektr stansııalarynyń qurylysy júrgizilýde. Joba quny 5,2 mlrd. teńgeni quraıdy. Búgingi kúni «Qazgıdroopereıtıng» JShS-gimen GES-tiń 4 kaskadyn turǵyzý úshin irgetasyn bekitý jáne betondaý jumystary júrgizildi. Elektr stansııasynyń qurylǵylary tapsyryspen Avstrııa memleketinde daıyndalýda. Birinshi kaskadty iske qosý aǵymdaǵy jyldyń birinshi jartyjyldyǵynyń sońyna, al tolyqtaı iske qosý 2019 jyldyń sońyna josparlanýda. Qazirgi ýaqytqa osy kásiporynmen negizgi kapıtalǵa salynǵan ınvestısııa kólemi 494,0 mln.teńgeni qurap otyr.

Qazaqstan Respýblıkasynyń ındýstrıaldy-ınnovasııalyq damýynyń 2015-2019 jyldarǵa arnalǵan Memlekettik baǵdarlamasy aıasynda, Kásipkerlikti qoldaý kartasyn ekinshi ózektendirý maqsatynda, búgingi kúni aýdanda jańa erejelerdiń talaptaryna saı keletin 1 jobamen jumys júrgizilýde. Ol, Shaqpaq aýyldyq okrýginen qýattylyǵy jylyna 17550 tonna jol bıtýmyn shyǵaratyn kishi zaýyt qurylysynyń bastalýy. Joba quny 161,0 mln.teńgeni quraıdy. Qurylysty «Shaqpaqjol Servıs» JShS-gi júrgizýde. Joba oblystyq kásipkerlikti qoldaý kartasyna endi jáne 2019 jyldyń maýsym aıynda iske qosylady dep josparlanýda.

Esepti merzimge «Bıznestiń jol kartasy 2020» baǵdarlamasynyń birinshi baǵytymen sýbsıdııalanatyn nesıe alý jáne ınfraqurylym júrgizý maqsatynda aýdannyń aýyldyq okrýgterinen kelip túsken usynystar (jobalar) saralanyp, 6 naqty jobamen jumys júrgizildi. Búgingi kúnge 6 kásipker (Qarasaz aýyldyq okrýginen «Dıdar» sharýa qojalyǵy – 4,483 mln.

teńge, Kókbastaý aýyldyq okrýginen Jeke kásipker «Toqtaev» – 21,1 mln. teńge, B.Momyshuly aýylynan Jeke kásipker «Ibragımova» – 4,939 mln.teńge, «Atameken» saýda ónidiristik kompanııasy – 60,0 mln.teńge, Jeke kásipker «Happy» – 11,0 mln. teńge, Jeke kásipker «Baıtaqov K» – 11,0 mln. teńge,) nátıjeli jumystar atqaryp, aımaqtyq úılestirý keńesiniń oń sheshimin alyp, ekinshi deńgeıli bankterden nesıe alyp jumystaryn júrgizýde.

Jalpy 6 kásipker 112,522 mln. teńge kóleminde nesıe alyp, nátıjesinde 17 jańa jumys orny ashylyp otyr.