• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 10:02:03
Qazaqstan Ýkraınanyń saýda naryǵyna alańdaýly

24 Tamyz, 2019 NEWS

Asqar Mamın: Jumysshylardyń jalaqy boıynsha quqyqtarynyń kemsitilýine jol bermeý kerek

QR Premer-Mınıstri Asqar Mamın jumys saparymen Qazaqstannyń jetekshi ónerkásiptik óńirleriniń biri Aqtóbe oblysynda bolyp qaıtty dep habarlaıdy Qamshy.kz aqparat agenttigi primeminister.kz saıtyna silteme jasap.

Jumys sapary aıasynda Úkimet basshysy QR Tuńǵysh Prezıdenti – Elbasy N. Á. Nazarbaev bastamashy bolǵan ındýstrııalyq-ınnovasııalyq damý memlekettik baǵdarlamasynyń iske asyrylýyn, Memleket basshysy Q. K. Toqaevtyń el óńirleriniń ekonomıkasyn damytý jónindegi tapsyrmalarynyń oryndalý barysyn qarady. 

Mamın Aqtóbede

Oblys ortalyǵynda Premer-Mınıstr Aqtóbe ferroqorytpalar zaýytyna, hrom kenderiniń sapasy jóninen álemdegi eń iri jáne qorytpalardy óndirý jáne jetkizý boıynsha ekinshi oryndaǵy «Qazhrom» TUK» AQ bólimshesine bardy. Aqtóbe qalasyndaǵy zaýyt jyl saıyn 440 myńǵa jýyq tonna ónim shyǵarady. Asqar Mamın sehtyń metaldardy baıytý jáne óndirý jumystarymen tanysty. Sonymen qatar, Hromtaý qalasyndaǵy «Voshod» ken ornyndaǵy jylyna 1 mln tonna ken óndiretin taý-ken baıytý keshenine bardy.

Mamın Aqtóbe

QR Premer-Mınıstrine 2019 jyldyń basynan beri Aqtóbe oblysyndaǵy ónerkásip ónimi óndirisiniń kólemi 1 trln teńgeden asyp, 4,9%-ǵa artqany týraly baıandaldy, sonyń ishinde hrom kenin óndirý 5,7%-ǵa ulǵaıdy.

Úkimet basshysy Baıǵanın jáne Muǵaljar aýdandarynda gaz óńdeý kásiporyndarynyń jumysymen tanysty, atap aıtqanda, «Gaz prosessıng kompanı» JShS, «SNPS-Aqtóbemunaıgaz» AQ Jańajol gaz óńdeý zaýytyna bardy. Zaýyttardy tehnologııalyq jańǵyrtý barysyna jáne zamanaýı sıfrlyq jobalardy engizýge kóńil bólindi.

Mamın

Jańajol GО́Z aýmaǵynda Asqar Mamın memlekettik organdardyń, munaı-gaz sektoryndaǵy kásiporyndardyń jáne kásipodaqtardyń basshylarynyń qatysýymen munaı-gaz salasyn damytý máseleleri jóninde jumystyq keńes ótkizdi. Talqylaý barysynda salany damytýdyń ózekti máseleleri, eńbek qatynastaryn retteý, tabys deńgeıin arttyrý boıynsha bastamalardy iske asyrý, mamandardy daıarlaýda jańa tásilderdi engizý arqyly kadrlarda qazaqstandyq qamtý úlesin arttyrý máseleleri qaraldy. 

Úkimet basshysy qazirgi zamanǵy jaǵdaılardy eskere otyryp, eńbek qatynastaryn retteýdiń qoldanystaǵy júıesin túzetýdi tapsyrdy. Asqar Mamın zańnamalyq ózgeristerdi ázirleý jáne engizý qajettiligin aıtty. Atap aıtqanda, jumysshylardyń jalaqy boıynsha quqyqtarynyń kemsitilýine jol bermeý, qaýipsiz eńbek jaǵdaılaryn qamtamasyz etý qajet.

Ken oryndaryndaǵy ekologııalyq qaýipsizdikti qamtamasyz etýge, tabıǵı resýrstardy qorǵaýǵa erekshe kóńil bólý tapsyryldy.

Jumys sapary aıasynda Asqar Mamın sonymen qatar uzyndyǵy 319 shaqyrym bolatyn «Aqtóbe – Atyraý – RF shekarasy (Astrahan)» respýblıkalyq avtomobıl jolynyń salyný barysymen, «Aqtóbe q. ońtústik aınalma joly» jergilikti mańyzy bar avtojolynyń rekonstrýksııasymen tanysty, sondaı-aq «IBG Catering» JShS jol boıy servısiniń kópfýnksıonaldy keshenin aralady.

QR Úkimetiniń basshysy óńirdegi turǵyn úı máseleleriniń sheshilýine aıryqsha nazar aýdardy. Asqar Mamın salynyp jatqan «Nur Aqtóbe» yqsham aýdanyn aralap kórdi, onda bıyl jyl sońyna deıin 2 myńnan astam páter paıdalanýǵa beriledi. Sonymen qatar, «Kóktas-Aqtóbe» qurylysy materıaldary zaýytyna, sondaı-aq «qarapaıym zattar ekonomıkasy» baǵdarlamasynyń jobasy – «Global Spesodejda» tigin fabrıkasyna bardy.

Jumys saparynyń sońynda QR Premer-Mınıstri óńirde aýyl sharýashylyǵy salasyndaǵy ınvestısııalyq jobalardyń iske asyrylýy boıynsha «Aqtóbe et klasteri» JShS et óńdeý kombınaty men «Aıs» JShS sút-taýarlyq fermasyna bardy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir