24 Tamyz, 2019 Saıasat
Nazarbaev: Narazy halyqqa bara almaıtyn, qorqatyn basshy nesine qajet? (vıdeo)
Bul oqıǵa týraly Nazarbaev 21 tamyzda Nur-Sultanda ótken bıliktegi "Nur Otan" partııasy saıası keńesiniń keńeıtilgen otyrysynda da aıtqan.
Qazaqstannyń eks-prezıdenti Nursultan Nazarbaevtyń Qaraǵandy alańyna jınalǵan shahterler aldynda sóılegen vıdeosy Instagram jelisinde jarııalandy dep jazady Qamshy.kz aqparat agenttigi.
Arhıvten alynǵan bul vıdeoda Nazarbaev alańǵa shyqqan Qaraǵandy shahterlaryn bitimge shaqyrǵan.
Bul oqıǵa týraly Nazarbaev 21 tamyzda Nur-Sultanda ótken bıliktegi "Nur Otan" partııasy saıası keńesiniń keńeıtilgen otyrysynda da aıtqan.
"Men Qazaqstan kompartııasynyń Ortalyq komıtetiniń birinshi hatshysy bolyp turǵanda, Qaraǵandyǵa kelgende ortalyq alań toly boldy. Grafıtten qap-qara bolǵan kaska kıgen shahterler jer astynan shyqty. Maǵan barma, talaıdy dedi. Talaı bersin deımin. Olarǵa tike bara almaıtyn, qorqatyn basshy nesine qajet? Neden qorqamyn? Bárimiz bilemiz - halyqqa tike baryp, olarmen sóılesip, túsindirý kerek. О́zimizdiń halqymyz ǵoı, olar qandaı da bir jaýap estigisi keledi", - dedi Nazarbaev.
Qazaqstandy 30 jyl bılegen Nazarbaev 2019 jyldyń 19 naýryzynda prezıdenttikten óz erkimen ketti. Konstıtýsııa boıynsha Nazarbaevtan keıin prezıdenttikke kelgen Qasym-Jomart Toqaev 9 maýsymda ótken saılaýda bıliktegi "Nur Otan" partııasynyń atynan saılaýǵa túsip, el prezıdenti boldy.
Jyl basynan beri Qazaqstannyń birneshe qalasynda bılikke narazy halyq mıtıngke shyqty. Nur-Sultanda kóp balaly analar Aqordanyń aldynda narazylyq ótkizip, "Bizben sóılesýge Nazarbaev kelsin, Toqaev kelsin" degen talap qoıdy, biraq alańdaǵy analarmen sóılesýge Nazarbaevta, Toqaevta kelgen joq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir