• USD 378.65
  • EUR 430.07
  • RUB 6
  • CNY 55.1
23 Qyrkúıek, 13:51:58
Kekilbaevqa arnalǵan kesh

24 Tamyz, 2019 NEWS

Toqaev: Qasıetti Ulytaý – ultty uıystyrýdyń, eldi biriktirýdiń negizi...

QR Prezıdenti Qasym-Jomart Toqaev «Ulytaý – 2019» Halyqaralyq týrıstik forýmyna qatysýda. Bul týraly Aqordanyń baspasóz qyzmeti Twitter-degi paraqshasynda jazdy dep habarlaıdy Qamshy.kz aqparat agenttigi

"Ulytaý – ultymyzdyń altyn besigi, taǵylymdy tarıhymyzdyń kýási. Qalyń qaýym osy kıeli ólkede el bılegen handardy aq kıizge kóterip, taqqa otyrǵyzǵan. Sondyqtan biz Ulytaý jerine han ordasy, qazaq jeriniń kindigi dep, erekshe qurmetpen qaraımyz!

Bir-birin daýǵa qısa da, jaýǵa qımaǵan halqymyz bereke-birlikti bárinen joǵary qoıǵan. Babalardan qalǵan salt-dástúrlerdi búgingi urpaq laıyqty jalǵastyrýy tıis.

«Ulytaý» ulttyq tarıhı-mádenı jáne tabıǵı murajaı qoryǵy el ıgiligine aınaldy. Ulytaý aýdanynyń ortalyǵynda Qazaq handarynyń alleıasy boı kóterdi. Endi elimizdiń osyndaı baǵa jetpes baı murasyn ózge jurtqa tanytýdyń jańasha joldaryn oılastyrýymyz kerek.

Uly hannyń úlken uly – Joshynyń mazary qazaq jerinde turǵanyn búginde elimizdegi jáne sheteldegi jurtshylyqtyń kóbi bile bermeıdi. Ata-babalardyń amanatyna adal bolý – bizge syn.

Biz Altyn ordanyń negizin qalaǵan Joshy hannyń esimin ulyqtaýdy mindetti túrde qolǵa alýymyz qajet. Onyń tarıhı tulǵasyna álemniń nazaryn aýdaryp, kesenesin mádenı týrızm nysanyna aınaldyrý – óte mańyzdy mindet.

Ulytaý – halyqaralyq deńgeıdegi etnografııalyq týrızmniń ortalyǵy bolýy tıis. Bul jumystar Altyn ordanyń 750 jyldyǵyn merekeleý aıasynda bastalýy qajet.

Qazirgi otandyq týrızm ındýstrııasy – kenje qalyp kele jatqan sala. Jyl saıyn qyrýar qarajat salsaq ta, bul sala tolyqqandy damymaı otyr. Týrızm salasynyń qazirgi ahýalyn túbegeıli ózgertetin ýaqyt keldi. Bul jumystardy Ulytaýdaı qasıetti jerlerden bastaýymyz qajet.

Ulytaý aımaǵy mindetti túrde Qazaqstannyń týrıster tartý kartasynyń aldyńǵy qatarynda bolýy tıis. Buryn jobalanǵan «Ulytaý» ulttyq tabıǵı parkin qurý máselesin júzege asyrý kerek. Bıyl munda týrıster úshin arnaıy ortalyq ashylýy tıis.

Ulytaý týrıstik mekenge, demalys aımaǵyna, uly babalarǵa taǵzym etý ortalyǵyna aınalýy tıis. Bul óńirge qazaq tarıhynyń sımvoly bolatyn eskertkish-ansambl ornatý qajet. Qasıetti Ulytaý – ultty uıystyrýdyń, eldi biriktirýdiń negizi...

.. Bul bastamalar halqymyzdyń ulttyq biregeıligin nyǵaıta túsýge oń yqpal etedi dep senemin. Ulytaýdyń tarıhy men taǵylymyn jastar tárbıesi men otanshyldyqty, ishki týrızmdi damytýǵa paıdalaný kerek" - delingen jazbada.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir