• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:17:39
Qazaqstanda másele sheshilý úshin aldymen adam ólý kerek

23 Tamyz, 2019 NEWS

«QAZAQSTAN» ulttyq arnasynan "NUR TILEÝ" baǵdarlamasy efırge shyǵady

Ulttyq arna ázirlegen jańa telejoba júrgizýshi men keıipker arasyndaǵy ıntellektýaldy dıalogqa qurylǵan.

"Qazaqstan" Ulttyq arnasynan jańa maýsymda QR Eńbek sińirgen qaıratkeri, Qazaqstannyń qurmetti jýrnalısi Nurtileý Imanǵalıulynyń júrgizýimen "Nur Tileý" aptalyq baǵdarlamasy ekranǵa shyǵady dep jazady Qamshy.kz aqparat agenttigi. 

Ulttyq arna ázirlegen jańa telejoba júrgizýshi men keıipker arasyndaǵy ıntellektýaldy dıalogqa qurylǵan.

Baǵdarlamada júrgizýshi Nurtileý Imanǵalıuly elimizge tanymal memleket jáne qoǵam qaıratkerlerimen, depýtattarmen, mınıstrlermen, oblys ákimderimen, saıasatkerlermen,, jazýshy-ǵalymdarmen, sportshy jáne kásipkerlermen qoǵamnyń kókeıtesti áleýmettik máseleleri boıynsha suhbat qurady.

"Men óz arnama, Ulttyq arnama qaıta oraldym. Baǵdarlama ataýynyń meniń atymmen atalýy eseli jaýapkershilik júktep otyr. Qonaq pen kórermen arasynda altyn kópir bola alamyz ba, ony ýaqyt kórsetedi!", - deıdi telejúrgizýshi.

Alǵashqy habar "Qazaqstan" Ulttyq arnasynyń efırinen 6 qyrkúıekte shyǵady.
Aıta keteıik, bıylǵy kúzgi maýsymǵa "Qazaqstan" Ulttyq arnasy 14 jańa joba ázirledi. Taǵy 10 baǵdarlama jańa formatta kórermenge qaıta usynylady.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir