• USD 378.65
  • EUR 430.07
  • RUB 6
  • CNY 55.1
18 Qyrkúıek, 11:55:26
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

23 Tamyz, 2019 Oqıǵalar

Joǵary sot "Talgodaǵy" zorlaý isine qatysty QTJ-ǵa eskertý jasady

Joǵary sot málimetinshe, eki jolserikke úkim shyǵarar kezde QTJ-nyń olarǵa bergen oń minezdemesi negizge alynyp, jaza jeńildetilgen.

 

Qostanaı oblystyq sotynyń sýdıalary "Tulpar-Talgo" poıyzynda áıel zorlady dep aıyptalǵan eki jolseriktiń isin qaıta qaraýǵa jiberip, olarǵa oń minezdeme bergen "Qazaqstan temir joly" ulttyq kompanııasyna eskertý jasady dep jazady Qamshy.kz aqparat agenttigi. Bul týraly Joǵary sottyń baspasóz qyzmeti málimdedi. 

"Qostanaı qalasy № 2 sotynyń Jetes Úmbetalıev pen Qolǵanat Qurmanııazǵa qatysty úkiminiń kúshi joıylyp, qylmystyq is prokýrorǵa qaıtaryldy. Osyǵan baılanysty tóraǵalyq etýshi sot tóraǵasy A.Merǵalıev, alqa sýdıalary K.J.Sálmuhametov,  Q.S.Ekisheva jáne sýdıa Q.S.Ekisheva bar alqa quramy QR QPK-niń 405-babynyń birinshi, úshinshi jáne tórtinshi bólikterin basshylyqqa ala otyryp qaýly etti", - delingen Joǵary sottyń málimdemesinde.

Joǵary sot málimetinshe, eki jolserikke úkim shyǵarar kezde QTJ-nyń olarǵa bergen oń minezdemesi negizge alynyp, jaza jeńildetilgen.

 "Osy istegi aıyptaý aktisine súıensek, olar jumys ýaqytynda meıramhana-vagonda bolǵan. № 6 vagonnyń jolserigi J.Úmbetalıev qoǵamǵa qaýipti áreket jasaý maqsatynda jábirlenýshiniń qasyndaǵy jolaýshyny basqa kýpege negizsiz aýystyrǵan. Keıin sonda qalǵan áıeldi zorlaǵan. Bul soraqylyq azdaı, J.Úmbetalıevten soń, № 19 vagonnyń jolserigi Q.Qurmanııaz ol áıelge sondaı zorlyq kórsetken. Qoǵam nazaryn aýdarǵan bul oqıǵa «Qazaqstan Temir Joly» Ulttyq kompanııasy basshylyǵynyń jumysyndaǵy birqatar kemshiliktiń betin ashyp berdi. Birinshiden, kompanııa basshylyǵy jolserikterdiń jumysyna, minez-qulqyna jaýapkershilikpen qaramaǵan. Ekinshiden, formalızmge boı aldyryp, J.Úmbetalıev pen Q.Qurmanııazǵa birdeı, bir mazmunda oń minezdeme bergen. Minezdemede olardy kompanııa basshylary ábden maqtaǵan. Olardyń bastamashyl ekeni, jumystaryn jaýapty, sapaly ári uqypty oryndaıtyny aıtylǵan. "Iskerlik qasıetteri, belsendilikteri, kásibı jáne mansaptyq ósýge umtylystary, áriptesterimen, basshylyqpen jaqsy qarym-qatynasy" atap kórsetilgen. Ekeýi de "syıly, áriptesteriniń aqyl-keńesteri men usynystaryna den qoıady, eńbek tártibin saqtaıdy" dep jaǵymdy sıpattalǵan.Mundaı oń minezdemeler jazany jeńildetetin mán-jaılar bolyp sanalady. Sondyqtan sot QK-niń 55-baby, ekinshi bóligin qoldanýǵa májbúr boldy. Osylaısha sot 5 jyldyń ornyna, olarǵa 2,5 jyl merzim belgiledi", - dedi Joǵary sottyń baspasóz qyzmeti.

Eskerte keteıik, 2018 jyly qyrkúıekte Nur-Sultannan Aqtóbege barý úshin "Tulpar-Talgo" poıyzyna mingen áıel adamdy eki jolserik zorlaǵan. 

2019 jyldyń 26 shildede Qostanaı soty "Tulpar-Talgo" poıyzynda aqtóbelik áıeldi zorlady" dep aıyptalǵan eki jolserikke úkim shyǵardy. Sýdıa Orazbaı Satybaldy aıyptalýshylar Jetes Úmbetalıev pen Qolǵanat Qurmanııazovty Qylmystyq kodekstiń "Zorlyq" baby boıynsha kináli dep tanyp, 2,5 jáne 2 jyl úsh aıǵa sottady. Sotta prokýror olardy alty jylǵa sottaýdy suraǵan edi. Keıin qoǵamda sot sheshimine narazylyq kúsheıip, eldiń kólik prokýratýrasy sot úkimine apellıasııalyq shaǵym túsirgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir