• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:06:42
Latyn álipbıine kóshý máseleleri semınar-keńeste sóz boldy

23 Tamyz, 2019 NEWS

Depýtattar kimge 1 mıllıon teńgeden beriletinin anyqtady

Nur-Sultan qalasynda turǵyn úı sertıfıkatyn alatyn azamattardyń sanaty aıqyndalǵan

Búgin Nur-Sultan qalalyq máslıhatynyń kezekten tys 54-shi sessııasynda birqatar mańyzdy másele qaraldy. Onyń ishinde turǵyn úı sertıfıkaty beriletin  azamattardyń sanatyn anyqtaldy dep habarlaıdy Qamshy.kz aqparat agenttigi Sputnik Qazaqstan saıtyna silteme jasap. 

Qalalyq jumyspen qamtý jáne áleýmettik qorǵaý basqarmasynyń basshysy Sáýle Nurǵojınanyń aıtýynsha, buryn turǵyn úı sertıfıkattary zańda bolmaǵan. Sońǵy ózgerister aıasynda osy kýálikterdiń anyqtamasy engizildi. Osyǵan baılanysty turǵyn úı sertıfıkattarynyń mólsheri men ony alýshylardyń sanattaryn aıqyndaý qajet.

"Endi 1 mıllıon teńge kólemindegi turǵyn úı sertıfıkattaryn azamattardyń myna sanattaryna berý usynalady: Nur-Sultan qalasynyń ákimdigine vedomstvolyq baǵynysty memlekettik mekemeler men memlekettik kásiporyndarda qyzmet etetin bilim berý uıymdaryndaǵy pedagogtarǵa, densaýlyq saqtaý uıymdaryndaǵy medısına qyzmetkerlerine, arnaıy áleýmettik qyzmetterdi kórsetýge qatysatyn áleýmettik qamtamasyz etý uıymdaryndaǵy qyzmetkerlerge, mádenıet jáne sport uıymdarynyń beıindik qyzmetkerlerine, ishki ister mınıstrligi Nur-Sultan qalasy polısııa departamentiniń qyzmetkerlerine", - dedi Nurǵojına.

Budan bólek, búgingi sessııada halyqtyń áleýmettik osal toptary - múgedek balalary bar nemese olardy tárbıelep otyrǵan otbasylar, "Altyn alqa" men "Kúmis alqa" ıegerleri, buryn "Batyr ana", sondaı-aq, I jáne II dárejeli "Ana dańqy" ordenimen marapattalǵan kópbalaly analar men tolyq emes otbasylarǵa turǵyn úı sertıfıkattaryn berý usynyldy.

Máslıhat depýtattary turǵyn úı sertıfıkattaryn alýshylardyń tizimin anyqtaý máselesin qoldap, biraýyzdan daýys berdi.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir