• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:06:30
Latyn álipbıine kóshý máseleleri semınar-keńeste sóz boldy

22 Tamyz, 2019 Aımaqtar

Eki jylda Jambyl oblysynan 362 otbasy soltústikke qonys aýdardy  

 

Jambyldyqtar eńbek resýrstaryn basqarýdy jolǵa júıeli qoıý sol arqyly el ekonomıkasyn ilgeriletý maqsatynda qabyldanǵan «Jumyspen qamtýdyń jol kartasy-2020» baǵdarlamasyn tıimdi paıdalanýda. Baǵdarlama qabyldanǵan eki jyl ishinde 1304 múshesi bar 362 otbasy soltústik óńirlerge kóshken dep jazady Qamshy.kz aqparat agenttigi. 

Jalpy elimizde «Jumyspen qamtýdyń jol kartasy – 2020» baǵdarlamasy iske qosylǵannan bergi aralyqta ońtústik óńirden 19 myń adam soltústik óńirge qonys aýdarǵan eken. 2020 jylǵa qaraı qonys aýdarýshylar sany 3,5 esege deıin ulǵaımaq.

–Ońtústikten soltústik óńirlerge qonys aýdarýshylarǵa arnaıy mamandyǵynyń bolýy mindetteled. Eger otbasymen qonys aýdarýǵa nıettiler bolsa otbasy músheleriniń biriniń mamandyǵy bolǵany quptalady. Mamandarǵa suranys soltústik óńirlerden túsedi. Biz azamattardy sol suranysqa saı kóshiremiz. Aǵymdaǵy jyldyń 7 aıynda 352 adamnan turatyn 110 otbasy soltústik óńirlerge qonys aýdardy. Jyl sońyna deıin 706 múshesi bar 176 otbasyny teriskeıdiń eńbek resýrstary tapshy óńirlerine kóshirý josparlanyp otyr. О́tken jyly 198 otbasy osy baǵdarlama qatysýshysy atandy,–deıdi Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasy kóshi-qon bóliminiń bas mamany Ásel Sultanǵazıeva.

Ishki kóshi qon salasyndaǵy ilkimdi baǵdarlama arqyly Soltústik Qazaqstan oblysyna qonys aýdaryp, mamandyǵymen jumysqa ornalasqan jambyldyqtyń biri – Aıda Qydyrbekova.Qazir ol Soltústik Qazaqstan oblysyndaǵy Aqqaıyń aýdanynyń Poltovka aýylyndaǵy feldsherlik-akýsherlik pýnktinde medbıke bolyp qyzmet etedi.

–Biz munda Jambyl oblysyndaǵy Baızaq aýdanynyń Jetibaı aýylynan aǵymdaǵy jyldyń mamyr aıynda ǵana kóship keldik. О́zim 2016 jyly Jambyl medısınalyq kolledjin támamdadym. Kóp ýaqyt jumyssyz júrgenimde ońtústikten soltústikke qonys aýdarý baǵdarlamasy jaıynda estip, qajetti qujattarymdy jınadym. Qazir Aqqaıyń aýdanynyń Poltovka aýylynda turyp jatyrmyn. Munda biz sekildi ońtústikten kóship kelgen otbasylar da bar,– deıdi Aıda Qydyrbekqyzy.

Aıta ketý tústikten teriskeıge bet alǵan kóshke ergen jambyldyqtardyń deni Soltústik Qazaqstan oblysyna taban tireıdi. Atalǵan óńirdiń jumyspen qamtýdy úılestirý jáne áleýmettik baǵdarlamalar basqarmasynyń basshysy Almaz Qoshmanovtyń málimdeýinshe Jambyl oblysynan Soltústik Qazaqstan oblysyna 580 adam kóship barǵan eken. Olar qazir aýyl sharýashylyǵy, densaýlyq saqtaý, pedagogıka salalarynda jemisti eńbek etip jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir