KAZENERGY XI Jastar forýmy ótpek

Jańa urpaqtyń dıalogtyq alańynda aıtylatyn ıdeıalar men tásilder KAZENERGY bilim berý baǵdarlamasy jobalarynyń sheńberinde oqıtyn Qazaqstannyń 1000 stýdenti arasynda saýalnama júrgizýdi esepke alyp ázirlendi. Qazirgi zamanǵy jastar ózderi úshin qandaı syn-tegeýrinder aıqyndaıdy jáne olardan qalaı ótýge bolatyndyǵy forýmda belgili bolmaq.

Forým qatysýshylary munaı-gaz jáne energetıka salalarynyń joǵary beıindi sarapshylarymen jáne mamandarymen áńgimelesýden tájirıbe men shabyt alady, bilim berý, mansap jasaý, kóshbasshylyq perspektıvalaryn talqylaıdy.

24 qyrkúıekte dıskýssııalyq kún tártibi sheńberinde "face to face" formatynda forým sarapshylary men qatysýshylary "Sapaly bilim degen ne, ony qaıdan alýǵa bolady, bilim berý qyzmetteriniń naryǵy biliktilikti alýdyń qandaı formattaryn usynady?", "Sıfrlyq tehnologııalar ǵasyrynda qandaı daǵdylar tulǵanyń ósýi men damýy úshin barynsha mańyzdy?", "Úlken derekter, jańa tehnologııalar jáne aqparattyq serpilis áleminde ózin qalaı joǵaltpaý qajet?" sııaqty negizgi suraqtarǵa jaýap beredi.

"Student Energy Challenge" zııatkerlik komandalyq konkýrstyń jartylaı fınaly men fınalyn ótkizý dástúrge aınalǵan, ol 2017 jyldan bastap "Shell Qazaqstan" kompanııasymen áriptestikte iske asyrylady, bıyl 23 qyrkúıekte ótkiziledi.

Budan basqa forým otandyq munaı ónerkásibiniń negizin qalaýshylardyń biri, Qazaqstannyń eńbegi sińgen qaıratkeri Safı О́tebaevtyń 110 jyldyǵyna jáne Qazaqstan munaıynyń 120 jyldyǵyna arnalǵan arnaıy sessııa ótkizýdi kózdeıdi. Onyń sheńberinde ınteraktıvti formatta vıktorına ótedi. Vıktorına nátıjeleri boıynsha jeńimpazdar belgilenip, olarǵa qaýymdastyqtan estelik syılyqtar beriledi.

Sondaı-aq "Jastar jylynda" jastardy jáne munaı-gaz jáne energetıka salalaryndaǵy mamandardy yntalandyrý maqsatynda eń úzdik jas mamandardy  KAZENERGY qaýymdastyǵynyń qurmet gramotalarymen jáne alǵys hattarmen marapattamaq.

Is-shara Qazaqstan Respýblıkasy Úkimetiniń qoldaýymen KAZENERGY qaýymdastyǵy júzege asyratyn, elimizdiń munaı-gaz sektorynyń basty is-sharasy – "Kazakhstan Energy Week 2019" (KEW-2019) sheńberinde ótkiziledi.

KEW-2019 alańy Qazaqstannyń OEK odan tıimdi jáne turaqty damytý máselelerin jan-jaqty talqylaý jáne salaǵa ınvestısııalardy tartý úshin salalyq oqıǵalardy biriktiredi.

KAZENERGY XII Eýrazııalyq forýmy KEW – 2019 negizgi oqıǵasyna aınalady. KAZENERGY qaýymdastyǵy 2006 jyldan bastap ótkizip kele jatqan osy is-shara Kaspıı jáne Ortalyq Azııa óńirlerindegi energetıkalyq sektordyń basty halyqaralyq oqıǵasyn bildiredi. Jyl saıyn oǵan dúnıejúziniń 50-den astam elinen 300-den astam kompanııanyń 2,5 myńnan astam delegaty qatysady. Kóptegen jyldar boıy bedeldi saıası fıgýralar, tanymal sarapshylar forým qonaqtary boldy. Bul is-sharanyń joǵary bedelin kórsetedi.

KAZENERGY "Jastar jáne ýaqyt syn-tegeýrinderi" XI Jastar forýmyna tirkelý kazenergyforum.com saıtynda júrgiziledi.