• USD 389.52
  • EUR 429.21
  • RUB 6.07
  • CNY 54.94
17 Qazan, 02:34:02
Prezıdenttik jastar kadr rezervine irikteýdiń kelesi kezeńine 904 qatysýshy ótti

22 Tamyz, 2019 Aımaqtar

Mustafa О́ztúrik Jambyl jerinde

Aǵymdaǵy jyly 80 jyldyq mereıtoıy toılanatyn Jambyl oblysynyń el rýhanııaty, mádenıeti men ádebıetinde qaıtalanbas orny bar óńir. Sol óńirlerge ár jyldary álemge, elge tanymal tulǵalar taban tirep, jambyldyqtarmen rııasyz júzdesýler jasaǵanyn aıǵaqtaıtyn tarıhı derekter jeterlik. Sol sekildi 1990 jyldyń 6-8 qazan aralyǵynda Taraz qalasyndaǵy qazirgi ortalyq stadıonda (sol kezdegi «Hımık» stadıonynda) taekvondadan álem chempıony Mustafa О́ztúrik shyǵys jekpe-jekteri mektebin ashý maqsatynda shoý ótkizgen dep jazady Qamshy.kz aqparat agenttigi. 

Atalǵan is-sharany tanymal teatr jáne kıno akteri Doshan Joljaqsynov júrgizgen. Sondaı-aq bul shoýda Rabıǵa Amanjolova bastaǵan almatylyq «Maqpal» sán úıiniń sulýlary kıim úlgilerin kórsetken. Qurmetti qonaqtardy qushaq jaıa qarsy alǵan jambyldyq jurtshylyqpen birge sol kezdegi oblystyq qazaq drama teatrynyń akteri Ábıirbek Tinálıev Musafa О́ztúrikke arnap «Eliń qaıda» ánin oryndaǵan eken. Dańqty sportshymen kezdesý Jambyl pedagogıkalyq ınstıtýtynda (qazirgi Taraz memlekettik pedagogıkalyq ýnıversıteti), sol kezdegi Talas aýdanynyń ortalyǵy bolǵan Aqkól aýylynda ótipti. Fotoshejireden sol kezdegi Mustafa О́ztúrikpen ere júrgen alqaly toptyń quramynda Ońtústik Qazaqstan oblysynyń týmasy, Qazaqstan sýretshiler odaǵynyń múshesi Bekseıit Túlkeevtiń de bolǵanyn ańǵarý qıyn emes.

Aıta ketý kerek Mustafa О́ztúrik qazaq sporty tarıhynda aty altyn árippen jazylatyn birden bir tulǵa. Zaman aǵymymen Túrkııadan turaq tapqan qazaq otbasynda dúnıege kelgen Mustafa taekvondodan qara belbeý 6 dan ıegeri atanǵan tuńǵysh qazaq. Tipti keıbir derekterde Mustafamen ataqty Brıýs Lıdiń bir jattyǵý zalynda daıyndalǵany aıtylady. 1980 jyly Mustafa bapkerlik jasaǵan Túrkııanyń taekvondo quramasy álem chempıonatynda ekinshi orynǵa ıe bolady. Bul túrkııalyq sportshylar úshin sensasııalyq jeńis edi.

1990 jyly atamekenine oralǵan Alashtyń aıboz uly sol sátte elge degen qushtarlyq sezimin erekshe jetkize bilgen. Arada 5 jyl ótken soń qazaqtyń mańdaıyna bitken arystaı ul aqtyq saparǵa attandy. Qazir Almaty qalasyndaǵy bir kóshe artyna óshpes iz qaldyrǵan dańqtyń sportshynyń qurmetine Mustafa О́ztúrik dep atalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir