• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:26:30
Qazaqstanda másele sheshilý úshin aldymen adam ólýi kerek

22 Tamyz, 2019 Aımaqtar

Kamıl Rahmatı–Tarazdyń tuńǵysh arhıtektory

Bıyl 80 jyldyq mereıtoıyn toılaıtyn Jambyl oblysynyń ortalyǵy Taraz qalasynyń (burynǵy Jambyl) sáýlettik kelbetin jaqsartý isine kásibı mamandar 1957-1958 jyldary tartyla bastady. О́z kezeginde sol kezdegi kásipqoı arhıtektorlardyń biri Kamıl Rahmatı oblystyń bas josparyn túzdi dep jazady Qamshy.kz aqparat agenttigi. 

Tarıhı derekterge súıenetin bolsaq budan 80jyl buryn Jambyl oblysy qurylǵan sátte onyń qurylysy, sáýlettik kelbeti syndy sharýalardy qolǵa alýǵa esh múmkindik bolmaǵan. Jahandyq geosaıasattaǵy turaqsyzdyq, Gıtlerdiń Keńes odaǵyna shabýyl jasaýy múmkindigin eskerip dereý óńirlerdi basqarý isine kirisken Stalınniń buıryǵymen elimizde birneshe oblystardy quryldy. Bul oblystardy qurýda Bas qolbasshysynyń belgili bir maqsat bolǵanymen olarda kórkeıtý jumystaryn júrgizýge qarjynyń tapshylyǵy qol baılaý boldy. Osylaısha Jambyl oblysynyń ortalyǵy bolǵan sol kezdegi Jambyl (qazirgi Taraz) qalasyn kóriktendirý sharalary da tek 1957-1958 jyldary ǵana qolǵa alyndy. Jergilikti bılik arnaıy tapsyrmamen bilikti arhıtektor Kamıl Rahmatıdi Jambyl qalasyna shaqyrtty. Bul sáýletshi keıinnen oblystyń bas josparyn da ázirledi. Onyń kómekshisi retinde ınjener A.Anıpko arhıtektýralyq syzbalardy ázirlep otyrǵan.Jambyl qalasynyń qurylysyn júrgizý kezinde basshylyqqa alynýy tıisti keıbir qaǵıdalar sol tustaǵy eldiń basshysy D.Qonaevtyń qolymen bekitilgen eken. Ári eldiń hımııa alyby sanalǵan shahardyń sáýlettik kelbetin jaqsartýdyń strategııalyq astary da bar edi.

Mine óz kezeginde memlekettik mańyzy bar osy mıssııany múltiksiz iske asyra bilgen sáýletshi Kamıl Rahmatı 1924 jyly 25-shilde О́zbekstan Respýblıkasy, Tashkent qalasynda dúnıege kelgen. Mamandyǵy kásibı sáýletshi, Keńes odaǵynyń sáýletshiler odaǵynyń múshesi bolǵan. Joǵary bilimdi Orta Azııa polıtehnıkalyq ınstıtýtynan alǵan maman 1955 – 1960 jyldary Jambyl qalasynyń bas sáýletshi atanyp, qurylys jáne sáýlet isteri jónindegi oblystyq bólimdi basqarǵan. Jambyldaǵy jaýapkershiligi mol qyzmetinen keıin Kamıl Rahmatı 1960 – 63 jyly SSSR Qurylys jáne sáýlet akademııasynyń Almaty qalasyndaǵy qazaq fılıalynyń aspırantýrasynda bilim alady. Munan soń 1965 – 70 jyldary Ońtústik Qazaqstan ólkesi kommýnaldyq sharýashylyǵy basqarmasynyń bastyǵy, 1978 – 79 jyly «Ońtústikqalaaýyljoba» ınstıtýty fılıalynyń bas sáýletshisi, «Ejelgi Taraz eskertkishteri» murajaı-qorynyń dırektory bolyp qyzmet etti. K.Rahmatı Jambyl qalasyndaǵy belgili eskertkishtermen birge, óńirdegi Merki, Qulan, Jýaly syndy aýdan ortalyqtaryndaǵy birqatar qurylys nysandarynyń da jobasyn jasaǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir