• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:57:07
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

22 Tamyz, 2019 Aımaqtar

Jambylda tórt túlik sany artyp keledi

Keńestik kezeńde Qazaqstan et eksportynan aldyńǵy qatarǵa shyǵyp, mal basynan rekordtyq kórsetkish kórsetkeni belgili. Alaıda Odaq ydyraǵannan keıin kolhozdar men tehnıka ustaǵannyń aýzynda, tistegenniń qolynda ketkeni jasyryn emes. Dese de el egemendigin alǵannan keıin memleket mal sharýashylyǵyn damytýdy myqtap qolǵa aldy. Bul baǵytta «sybaǵa», «qulan», «altyn asyq» syndy memlekettik baǵdarlamalar jandanyp, turalaǵan tirliktiń boıyna qaıta qan júgirdi. Bul baǵytta Jambyl oblysy da kópke úlgi sharýa atqarýda dep jazady Qamshy.kz aqparat agenttigi.  Sarysý aýdanynda 2019 jyldyń 1 tamyzyna múıizdi iri qara 21 130 basqa, qoı-eshki 281 659 basqa, jylqy 6 697 basqa, túıe 2 158 basqa, qus 23 802 basqa jetkizilip, 3 841,1 tonna et, 3 149,5 tonna sút, 2 302,3 myń dana jumyrtqa daıyndaldy. Bul kórsetkish ótken jyldyń osy ýaqytymen salystyrǵanda múıizdi iri qara 1 008 basqa, qoı-eshki 10 327 basqa, jylqy 347 basqa, túıe 6 basqa artyp, 112,9 tonna et, 65,3 tonna sút, 63,3 myń dana jumyrtqa artyq óndirildi.

Aýdan boıynsha múıizdi iri qara malyn seleksııalyq asyldandyrýmen aınalysatyn sharýashylyqtardan bordaqylaý alańdaryna 356 bas buqashyq ótkizilse, qoı sharýashylyǵymen aınalysatyn sharýashylyqtardan 1 634 bas qozy nemese 35,2 tonna qoı eti «Merke Et Kombınaty» jáne «Ońtústik Halal» JShS-terine eksporttaldy.

2019 jyldyń qańtar-maýsym aılarynda «Epızootııaǵa qarsy» veterınarııalyq is-sharalar jospary tolyq oryndaldy. Atap aıtqanda, qutyrý, aýsyl, leptospıroz, sibir jarasy, qarasan, týberkýlez, mańqa (sap), qarasúıel, bradzot, oba, ehınokokkoz, teılerıoz, saqaý aýrýlaryna qarsy vaksınalar josparǵa sáıkes tolyqqandy egilgen.

2019 jyly 24 550 bas MIQ, 253 800 bas ýaq mal, 45 bas jylqy, 2 072 bas túıe, 486 ıt jáne 18 shoshqaǵa brýsellez aýrýyna qarsy tekserý josparlanyp otyr.

Esepti kezeńde aýdan boıynsha 12 826 bas MIQ (110,8 %), 132 903 bas ýaq mal (102,4 %), 45 bas jylqy (100,0 %), 1 723 bas túıe (100,0 %), 486 ıt (100,0 %) pen 18 shoshqa (100,0 %) brýsellez aýrýyna qarsy tekserilip, jospar tolyq oryndaldy.

Árıne árbir tuıaqtyń saýlyǵy mal basynyń artýyna sep bolatyny anyq. Sondyqtan tórt túliktiń kútimin jasaý jón tirlik. Mundaı bastama men sharalar arqyly sarysýlyqtar kúni erteń en dalany mańyraǵan malǵa toltyratyny daýsyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir