Jambylda eńbek naryǵynda eleýli is kóp

Elimizdegi memlekettik baǵdarlamalardyń deni eńbek naryǵyna baǵyttalǵany qýantady. Ásirese «Jastar tájirıbesi», «Áleýmettik jumys oryndaryn uıymdastyrý», «Bastaý Bıznes» syndy jobalardyń jemisin kópshilik kórýde. Jambyldyqtar da memlekettik baǵdarlamalardyń sharapatyn barynsha sezinýde dep jazady Qamshy.kz aqparat agenttigi. 

Esepti kezeńde Sarysý aýdanynda jumyspen qamtý boıynsha ýákiletti organǵa 1 416 adam jumys surap ótinish bildirgen. Onyń ishinde aýyl turǵyndary 918 adam (2018 jyly 1 410 adam, onyń ishinde aýyl turǵyndary 668 adam).

Jumyssyzdyqtan áleýmettik qorǵaý sharalarymen 1 403 adam qamtylǵan. (2018 jyly 1 150 adam). Aqyly qoǵamdyq jumys oryndaryna 364 adam joldanyp, 63 200,0 myń teńge tólengen.

«Jastar tájirıbesi» baǵdarlamasy boıynsha jyl basynan 158 jas maman ýaqytsha jumyspen qamtylyp, 30 915,0 myń teńge qarjy berilip otyr.

«Áleýmettik jumys oryndaryn» uıymdastyrý baǵytynda jyl basynan 135 jumyssyz azamat ýaqytsha jumysqa ornalastyrylyp, ıgerilgen qarjy 9 201,0 myń teńgeni qurady.

Ár túrli mamandyqtar boıynsha qysqa merzimdik kásiptik oqýǵa 200 adam joldaý josparlanǵan. Qaralǵan qarjy 38,1 mln. teńge. Qazirgi tańda 154 adam joldanyp otyr.

2019 jyly 74 azamatqa shaǵyn nesıe berý josparlanýda. Qaralǵan qarjy 313,8 mln. tenge. Jyl basynan beri Mıkro qarjy uıymdaryna 36 adam joldama alyp, onyń ishinde aýyl sharýashylyǵyn qarjylaı qoldaý qory arqyly mal sharýashylyǵyna 13 azamat 40,6 mln. tenge, agronesıe korporasııasy arqyly mal sharýashylyǵyna 3 azamat 13,0 mln. teńge, barlyǵy 16 azamat 53,6 mln. teńgege shaǵyn nesıe aldy.

«Bastaý Bıznes» boıynsha kásipkerlik negizin 128 adam oqytylyp, 85 adam sertıfıkatyn qorǵady.

Jańa bıznes-ıdeıalardy iske asyrýǵa arnalǵan memlekettik grant berýdiń 2019 jylǵy keshendi jospary boıynsha 42 azamat 21,2 mln. teńgege grant (505 myń teńge) aldy. Onyń ishinde 35 azamat 29 jasqa deıingi jastar, 5 kópbalaly analar jáne 2 múgedek.

Turaqty jumyspen 406 adam qamtylyp otyr.

2019 jyldyń 1 tamyzyna resmı túrde tirkelgen jumyssyzdardyń sany – 1 156, onyń ishinde aýyl turǵyndary – 802 azamat (2018 jyly 937 azamat, onyń ishinde aýyl turǵyndary – 421 adam).

Iá, eńbek naryǵyndaǵy jumystar dáldik pen jaýapkershilikti talap etedi. Bul senim údesinen sarysýlyqtar tolyqtaı shyǵyp otyr.