Jambyldyqtar bilimdi de, bilikti jastar tárbıelep jatyr

Bilimdi urpaq el erteńi. Al jastardyń biliktiligi men bilimin arttyrýda memleket tarapynan jandanyp jatqan baǵdarmalara az emes. Árıne onyń barlyǵy sapaly kadr men saýatty urpaq daıarlaýǵa baǵyttalyp jatqany belgili. Osy oraıda Jambyl oblysy jastardyń bilimin shyńdaýda kósh ilgeri keledi dep jazady Qamshy.kz aqparat agenttigi. 

Máselen Qordaı aýdany ákimdigi bıýdjeti esebinen qarjylandyrylatyn 48 mektepte (1 bastaýysh, 8 negizgi, 39 orta) 29297 oqýshy jáne 9 mektepten tys mekemede 5247 bala bilim alýda.

21 memlekettik balabaqshada 2865, 36 jekemenshik balabaqshada 3630, 15 shaǵyn ortalyqta 812, jekemenshik shaǵyn ortalyqta 260 barlyǵy 7307 búldirshin mektepke deıingi tárbıemen qamtylǵan.

Aýdan boıynsha mektepke deıingi tárbıemen qamtylǵan balalar úlesi 1-6 jas aralyǵynda 92%, 3-6 jas aralyǵynda 97,7% qurap otyr.

«Mektepke deıingi bilim berý uıymdarynda memlekettik bilim berý tapsyrysyn iske asyrý» baǵdarlamasy jelisinde 2019 jyly 1185 orynǵa 18 jekemenshik balabaqsha men qosymsha toptar ashylady dep josparlanýda.

Jaǵdaıy tómen otbasynan shyqqan 2364 bala jergilikti bıýdjet esebinen bir mezgil tegin ystyq tamaqpen qamtyldy.

Shalǵaı jatqan, mektebi joq eldi mekenderdegi 95 bala aýdan ortalyǵyndaǵy №3 Abaı atyndaǵy orta mektebi janyndaǵy ınternatqa ornalastyrylyp, tegin tamaqpen qamtyldy. Sondaı-aq, 320 oqýshyǵa 9 eldi mekende tasymaldaý uıymdastyrylǵan. (Sarybastaý, Kógadyr, Kerý, Soǵandy, Kúnbatys-1, Kaqpatas, Otar, Áljan ana, Sharbaqty, Aral).

Aýdan mektepteriniń oqý kabınetterine qajetti 359 dana ınteraktıvti qurylǵylarmen (kompıýter, proektor, ekran) qamtý úshin 179,5 mln. teńge qaralyp otyr. Atalǵan qarajatqa aǵymdaǵy jyldyń sońyna deıin atalǵan qondyrǵylardy satyp alý kózdelýde.

Qazirgi zaman talaby sandyq tehnologııany meńgergen saýatty urpaq bolmaq. Sondyqtan da 2019 jyly aýdan boıynsha 9 mektepti robototehnıka kabınetterimen qamtamasyz etýge- 54,6 mln teńge, 2 fızıka kabınettermen qamtýǵa-14,5 mln. Teńge bólingen.

Osynynyń esebinen aýdan jastarynyń Ulttyq biryńǵaı testileýde alyp jatqan balldary da jaqsara túsýde. Bul degenińiz erteń eldi mekennen bilikti ǵalym da, ustaz da, zańger de, qarjyger de, tipten kelgen de tehnık mamandary shyǵady degen sóz. Al odan elimizdiń ekonomıkasy óristemese, búgingi bıiginen alasarmaıtyny anyq.