• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:13:39
Qazaqstanda másele sheshilý úshin aldymen adam ólý kerek

22 Tamyz, 2019 Aımaqtar

Tarazdyqtar memlekettik baǵdarlamanyń sharapatyn kórip jatyr

Búgingi tańda el turǵyndary úshin baspanaly bolýdyń múmkindikteri kóp. Máselen «Nurly jer» memlekettik baǵdarlamasy halyqty baspanamen qamtamasyz etý isin ilgeriletýge oń yqpalyn tıgizýde. Nátıjesinde qolǵa alynǵan baǵdarlama el ıgiligine qyzmet etip, árbir azamattyń páterli bolýyna múmkindik usynýda. Jambyl oblysynda da «Nurly jer» baǵdarlamasy arqyly baspanaly bolyp, mereıi tasyǵan otbasylardyń qatary jyl sanap ósýde. Jyl saıyn 2 myńǵa jýyq otbasy qonys toıyn toılap, baǵdarlama talaıdyń alys armanyn jaqyndata tústi dep jazady Qamshy.kz aqparat agenttigi. 

Sonymen qatar endi qala turǵyndary «Nurly jer» memlekettik baǵdarlamasy aıasynda «Jeke turǵyn úı qurylysyn damytý» baǵyty boıynsha jer telimine qosa qurylysy aıaqtalǵan jeke turǵyn úı ala alady. Jeke turǵyn úılerdiń qurylysyn júrgizý úshin tıisti jer telimi «biryńǵaı qurylys júrgizýshige» bólinip berilgen.

Qazirgi ýaqytta Jaqan Sabalaqov kóshesiniń (15 yqshamaýdan) sońynda jeke turǵyn úılerdiń qurylysy qarqyndy túrde júrgizilýde. Búginge deıin 14 turǵyn úıdiń qurylysy aıaqtalyp, 38 úıdiń qurylysy júrgizilýde. Sondaı-aq elý úsh úıdiń qurylysy endi bastaldy.

Jalpy bul úılerdi 2005-2006 jyldary jer kezeginde turǵandar azamattar ǵana ala alady. Taraz qalasynda 2005-2006 jyldary jer kezeginde turǵan azamattardyń sany-13 132. Aǵymdaǵy jyldyń naýryz aıynda «Nurly jer» turǵyn úı baǵdarlamasyna qatysýǵa jer telimderiniń bólinýine baılanysty 3 300 azamatqa eskertý hat joldandy. Sonyń ishinde 60 azamat «Turǵyn úı qurylys jınaq banki» aksıonerlik qoǵamy oblystyq fılıalyna joldama alyp, 10 azamat aldyn ala tólem qabilettiliginen ótti.

Sonymen qatar kezekte turǵan 8000 azamatqa baǵdarlamaǵa qatysý úshin eskertý hattar dadıyndaldy. Bul baǵyttaǵy jumystarǵa eriktiler tartylyp, eskertý hattardy kórsetilgen mekenjaıǵa jetkizý jumystary júrgizilýde.

Al, qala turǵyndary osy másele boıynsha tolǵandyrǵan kez kelgen suraǵyna Nurly jer» baǵdarlamasyn iske asyrý boıynsha arnaıy qurylǵan shtab mamandarynyń kómegine júginip, naqty jaýap ala alady.

Eger bul baǵyttaǵy josparly jumystar óz ýaqytynda aıaqtalyp jatsa, jyl sońyna deıin taǵy júzdegen otbasy baspanaly bolý baqytyna keneletin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir