22 Tamyz, 2019 NEWS
5 kúndik jumys aptasy jyl sońyna deıin sheshiledi
Qazaqstan mektepterin 5 kúndik jumys aptasyna aýystyrý máselesi jyl sońyna deıin sheshiledi, dep habarlaıdy Qamshy.kz aqparat agenttigi.
Bul týraly QR Bilim jáne ǵylym vıse-mınıstri Fatıma Jaqypova Qazmedıa ortalyǵynda ótken plenarlyq otyrysta málimdedi.
"Qazirgi ýaqytta ustazdar qaýymyn 5 kúndik jumys aptasy alańdatyp otyr. Buǵan deıin BAQ-ta Bilim jáne ǵylym mınıstri Ashat Aımaǵambetovtiń sózi jarııalandy. Onda mınıstrlik árbir mekteptiń pedagogıkalyq keńeste tıptik oqý josparyn, synyptar sanyn eskere otyryp, 5 kúndik jumys aptasyna aýysýdy usynady. Munda ózge sheshimniń qajeti joq, eger mektep beskúndikke aýyssa, senbi kúnin muǵalim qalaýynsha ótkizer edi. Nemese mektep ákimshiligi aıyna bir ret ádistemelik jıyn ótkize alady. Sondyqtan, bul bes kúndik jumys aptasy máselesi jyl sońyna deıin sheshiledi dep oılaımyz. Bul – muǵalimder tarapynan eń jıi qoıylatyn suraq, sondyqtan mektep ákimshilikterine osy máseleni qolǵa alýdy ótinemiz. Onyń ústine, Prezıdent Qasym-Jomart Toqaev muǵalimderdi kásibinen tys jumysqa salmaýdy tapsyrdy, – dedi Fatıma Jaqypova.
Aıjan Serikjanqyzy
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir