• USD 468.56

  • EUR 497.56

  • RUB 7.3

  • CNY 67.18

29 Naýryz, 11:07:49
Almaty
+35°

Qazirgi tańda balanyń qyzyǵýshylyǵyna septigin tıgizip, ıkemine qaraı jańa qyrynan tanylýyna, ómirlik jolyn anyqtaýda aýla klýbtarynyń mańyzy zor. Aýla klýbynyń maqsaty – oqýshylardyń mektepten tys ómirin tıimdi paıdalanyp, ózderi oqyp júrgen pánderin tereńdetip oqytý, jalpy balany jan-jaqty damytyp, beıimin jetildirý bolyp tabylady. Osyǵan oraı, Taraz qalasynda Jastar resýrstyq ortalyǵyna qarasty «Araı», «Botaqan», «Balaýsa», «Jas balǵyn» aýla klýbtary turaqty jumys atqarýda dep jazady Qamshy.kz aqparat agenttigi. 

Atalǵan aýla klýbtarynda 4 jastar isi jónindegi ınspektor 206 tárbıelenýshilermen «Qolóner», «Sheber qoldar», «Sýret», «Ulttyq oıyndar», «Qýyrshaq teatry», «Til damytý», «Salaýatty ómir salty» úıirmeleri boıynsha jumys jasaýda.

2016 jyly Taraz qalasyndaǵy №1 aýmaqtyq okrýgke qarasty «Astana» yqsham aýdany №30 «A» úıde ornalasqan «Azımýt» aýla klýbynyń jertólesindegi qubyrlarynyń jarylýyna baılanysty ýaqytsha jumysyn toqtatqan bolatyn. 2019 jyly atalǵan aýla klýbqa kúrdeli jóndeý jumystaryn júrgizý úshin 9 mıllıon 986 myń teńge qarajat bólinip, jóndeý jumystaryn júrgizý josparlanýda. 2019 jyldyń sońyna deıin atalǵan aýla klýb paıdalanýǵa beriletin bolady.

Sondaı-aq, Taraz qalasynda №9 aýmaqtyq okrýgke qarasty «Báıterek» yqsham aýdanynda, «Qumshaǵal» turǵyn alqabynda balalarǵa arnalǵan aýla klýbtaryn jyl sońyna deıin ashylatyn bolady.

Atalǵan aýla klýbtardy materıaldyq-tehnıkalyq jabdyqtarmen qamtamasyz etý úshin jergilikti bıýdjetten 6 mıllıon teńge qarajat bólindi.

Sonymen qatar, 2019 jyldyń 1 maýsym kúni Halyqaralyq balalardy qoǵaý kúnine oraı «Balaýsa» aýla klýbynda atalǵan aýla klýbqa kelýshi balalardyń usynysy boıynsha «STREET WORKOUT» alańshasyn, Wi-Fi zonasyn, shaǵyn kınozalyn, tennıs stolyn, qalqan kúrke (besedka), kompıýterler paıdalanýǵa berildi.

Turǵyndarǵa qolaıly bolýy úshin qalada, sondaı-aq, «Sıfrly Qazaqstan» Memlekettik baǵdarlamasynyń sheńberinde «IKomek»-109 qalanyń kommýnaldyq qyzmetteriniń biryńǵaı dıspetcherlik ortalyǵyn qurý jumystary júrgizilýde. Bul – halyqpen keri baılanystyń biryńǵaı júıesi, qala turǵyndary úshin ámbebap kómekshi. Endi ákimdikke kelip, kezekte turýdyń qajeti joq. Qońyraý shalý nemese habarlama, sýret jiberý jetkilikti, jáne sizdiń máseleńizdi sheshetin bolady. Búgingi kúnge, tıisti aǵymdy jóndeý jumystary júrgizilip, ortalyqty aǵymdaǵy jyldyń 1 qyrkúıegine ashý josparlanyp otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir