Taraz qalasynyń ákimi eńbek ardagerlerimen kezdesti

Taraz qalasyndaǵy Sh.Ýálıhanov atyndaǵy oblystyq ámbebap ǵylymı kitaphanasynyń brodkastıng zalynda qala ákimi Q.Dosaevtyń ardagerlermen kezdesýi uıymdastyryldy. Kezdesýge oblystyq, qalalyq ardagerler Keńesiniń jáne oblystyq, qalalyq Qoǵamdyq Keńestiń músheleri qatysty dep jazady Qamshy.kz aqparat agenttigi. 

Jıyn barysynda sóılegen sózinde Taraz qalasynyń ákimi Qaırat Dosaev zııaly qaýym ókilderi men ardagerlerdiń halyqty yntymaq pen birlikke úndep, durys jol siltep, óńirdiń damýyna qosar úlesi zor ekenine toqtaldy.

– Qalanyń tynys-tirshiligi, áleýmettik-ekonomıkalyq damýy Sizderdi únemi tolǵandyryp, túıitkildi máseleler ózderińizdiń qatysýlaryńyzben sheshimin taýyp jatatyndyǵy aıqyn.

О́zderińizdiń qoldaýlaryńyzben qalada atqarylyp jatqan jumystar az emes. Sizderdi osy ıgi bastamalarmen tanystyryp jáne josparlanyp otyrǵan jobalar týraly pikir almasýdy jón kórdik.

Jambyl oblysynyń 80 jyldyǵyna oraı paıdalanýǵa beriletin «Shahrıstan» tarıhı kesheni boı kóterýde.

Oblys ákimi Asqar Myrzahmetovtyń ıdeıasymen «Shahrıstan» saýda ornyn tıimdi paıdalaný jospary ótken jyldyń maýsym aıynda qolǵa alyndy, – dedi shahar basshysy óz sózinde.

Sonymen qatar, Qaırat Áskerbekuly keshende ólketaný murajaıy, kórme pavılony, «Rýhanııat» ortalyǵy, kórkemdik beıneleý óneriniń galereıasy, qolóner sheberleriniń galereıasy,«Retro-festıval» amfıteatry boı kóteretinin aıtyp, búgingi kúni keshenniń qurylysyn «О́mirzaq» jaýapkershiligi shekteýli seriktestigi jáne «KDSM» jaýapkershiligi shekteýli seriktestigi eki aýysymda qarqyndy júrgizip jatqanyn jetkizdi.

Budan bólek, atalǵan nysandarmen qatar, etno-tarıhı keshenniń abattandyrýy men ınjenerlik kommýnıkasııalyq ınfraqurylym jelileriniń qurylys jumystaryn iske asyrý aǵymdaǵy jyly josparlanǵan eken. Qalany kórkeıtý jumystaryn jalǵastyrý maqsatynda, osy jyly Tóle bı dańǵyly boıymen Sypataı batyr kóshesinen bastap «Qarahan» kesenesine deıingi skveri, jaıaý júrginshiler aımaǵy men alleıasy (arbat) jáne «Mamyr» saıabaǵyn abattandyrý men «Kóne-Taraz» kesheniniń mańynda bıiktigi 40 metrden turatyn «Saǵat» stellasy ornatylamaq.

Jıynda Q. Dosaev qaladaǵy júrip jatqan qurylys jumystary men ınfraqurylym tartý isi jaıynda da molynan aqpar berdi.