• USD 468.56

  • EUR 497.56

  • RUB 7.3

  • CNY 67.18

28 Naýryz, 15:45:37
Almaty
+35°

Elimizdegi eń ózekti máselerdiń biri – baspana, turǵyn úı qurylys salasyna erekshe nazar aýdarylyp otyr.Osy maqsatta Jambyl oblysy Qordaı aýdanynda turǵyn úı qurylysy kezeń-kezeńimen júıeli túrde júzege asýda dep jazady Qamshy.kz aqparat agenttigi. 

Jalpy Qordaı aýdanynda jeke turǵyn úı qurylysyna jer ýchaskelerine kezekte 11 514 azamat tirkelgen, kezekte turǵan azamattardyń negizgi úlesi 50 paıyzy Qordaı aýylyna tıesili. Osyny eskere otyryp, aýdan ortalyǵyn damytýdyń bas josparyna sáıkes ınjenerlik jáne kommýnıkasııalyq ınfraqurylymdy damytýdyń oblystyq jol kartasyna jalpy kólemi 1471 gektardy quraıtyn 6560 jer ýchaskesine 4 jańa massıvter qosylyp (Soltústik-Shyǵys-615 ga/2776 jer ýchaskesi, Batys-106 ga/388 ýchaskesi, Samal taý-750 ga/3396 ýchaske) , búginde 3 massıv boıynsha máseleler sheshimin tapty. Atalǵan massıvterge búgingi kúnge tıisti qarajat bólinip, ınfraqurylymdaryn nyǵaıtý boıynsha jumystar júrgizilýde. Osy massıvterdiń biri - «Batys» turǵyn úı massıviniń jalpy kólemi, 106,0 gektar. Jańa massıvti egjeı-tegjeıli jobasyna sáıkes qoǵamdyq-iskerlik aımaqqa aınaldyryp, aýdandyq sot, aýdandyq polısııa bólimi jáne ózgede ákimshilik, kásipkerlik ǵımarattaryn salý josparlanýda. Sondaı-aq, 280 orynǵa arnalǵan balabaqsha, 240 oryndyq mektep, sport kesheni men 5 qabatty 10 turǵyn úıdiń qurylys jumystary júrgiziletin bolady.

Búginde jańa massıvtiń ınfraqurylymyn damytý boıynsha 6 jobanyń jobalyq-smetalyq qujattary ázirlenip, onyń ishinde 50 páterli kópqabatty turǵyn úıdiń memlekettik saraptamasy alynyp, qurylys jumystary bastaldy. Jaryqtandyrý jumystaryn júrgizý úshin aýdandyq bıýdjetke ótinim berildi.

Bul jobalar tolyqqandy iske asqannan keıin aýdan ortalyǵynda jer ýchaskelerine kezekshilik máselesi túbegeıli sheshimin tabatyn bolady.

Al aýyldyq okrýgter boıynsha ınjenerlik jáne kommýnıkasııalyq ınfraqurylymdy damytý oblystyq jol kartasyna 13 massıv engizildi. Onyń ishinde birinshi kezeńde 8 massıv 2019-2020 jyldar aralyǵynda iske asady dep josparlanyp, jol kartasyna sáıkes aǵymdaǵy jyly halyq tyǵyz ornalasqan 4 eldi mekenniń (Otar, Aýqatta, Masanchı, Sortóbe) jobalyq-smetalyq qujattaryn ázirleý úshin aýdandyq bıýdjetten qarajat bólindi. Osylaısha kezeń-kezeńmen jer ýchaskeleri beriletin bolady.

Aýdan boıynsha memlekettik turǵyn úı qorynan turǵyn úıge nemese turǵyn úı qorynan jergilikti atqarýshy organ jaldaǵan turǵyn úıge muqtaj azamat retinde 1303 azamat kezekte tur. Kezekte turǵan azamattardyń ótinishterin qanaǵattandyrý maqsatynda aýdanda jobalyq quny 472,8 mln. teńgeni quraıtyn, bir 50 páterli 5 qabatty turǵyn úı qurylysyna jobalyq-smetalyq qujattama ázirlengen. Qazirgi tańda, aýdandyq kommýnaldyq turǵyn úı qorynyń turǵyn úıin salýǵa jáne (nemese) rekonstrýksııalaýǵa áleýetti osal toptaǵy azamattarǵa nysanaly damý transfertterinen respýblıkalyq bıýdjetten 50,0 mln.teńge jáne oblystyq bıýdjetten 5,5

mln. teńge qarajat bólindi. Sondaı-aq, Qordaı aýylyna 5 qabatty 60 páterli 4 turǵyn úı qurylysyn salý úshin jobalyq-smetalyq qujattamany ázirleý jáne vedomstvodan tys keshendi saraptama júrgizýge aýdan bıýdjetinen 40,6 mln. teńge bólindi.

Sondaı-aq, kóp balaly analardy turǵyn úımen qamtamassyz etý úshin respýblıkalyq bıýdjetten 58,8 mln teńge bólinip, 7 otbasyǵa turǵyn úı salynatyn bolady. Budan bólek, aýdandaǵy kásipkerlerdiń demeýshiligimen búgingi kúnge 5 otbasy baspanaly boldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir