Jambylda qozy eti arab elderine eksporttalyp jatyr

Búginde aýylsharýashylyq salasy Jambyl oblysy Qordaı aýdanynyń ekonomıkasyn alǵa súıreýshi salalardyń birine aınaldy. Jyl saıyn memlekettik baǵdarlamalar aıasynda qomaqty qarjy bólinip, aýyl ekonomıkasy men turǵyndardyń áleýmettik turmysy aıtarlyqtaı damý ústinde.Aýdanda QR agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasyn iske asyrý maqsatynda atqarylǵan jumystardyń nátıjesinde jyl basynan aýyl sharýashylyǵy óniminiń jalpy kólemi 10158,8 (8589,6) mln.teńgeni nemese naqty kólem ındeksi 106,5% qurady dep jazady Qamshy.kz aqparat agenttigi. Jalpy Jambyl oblysy ákimi men aýdan ákimi arasyndaǵy bekitilgen mejege sáıkes ındıkator 111,8 paıyzǵa artqan.

Búgingi kúnge aýylsharýashylyq salasyna 1281,0 mln.teńgege ınvestısııa tartylyp otyr.

2019 jyly aýdan boıynsha barlyq aýyl sharýashylyǵy maqsatyndaǵy egistik jerlerdiń kólemi 132039 gektar bolyp, ótken jylmen salystyrǵanda 593 gektarǵa ósken.

Jambyl oblysy ákimdiginiń aýyl sharýashylyǵy basqarmasymen kelisip, egis alqaptarynyń qurylymyn ártaraptandyrý maqsatynda, 2019 jyly egilgen jer kólemi 112620 gektardy quraǵan. (Onyń ishinde: kúzdik bıdaı 21500 ga, jazdyq arpa 36800 ga, dándik júgeri 8000 ga, kartop 3050 ga, qant qyzylshasy 1200 ga, kókónis jáne baqsha ónimderi 6720 ga, maıly daqyldar 3950 ga jáne azyqtyq daqyldar kólemi 31400 ga.)

2019 jyly sebilgen 36800 gektar jerge qajetti 6624 tonna arpa tuqymy sharýashylyqtar tolyǵymen qamtylyp, josparly kólemi sebildi.

Sharýashylyqtar 8000 gektarǵa qajetti 160 tonna dándik júgeri tuqymyn Almaty oblysyndaǵy «Qazaq eginshilik jáne ósimdik sharýashylyǵy ǴZI» JShS, «Býdan» JShS jáne aýdandaǵy «GR-Agro» JShS-n satyp aldy. Sharýashylyqtar júgeriniń ZPSK-704, Arman-689, Týlpar-539, Marko-419, NK-Termo sorttaryn septi.

Sharýashylyqtar basqa da qajetti kartop, kókónis, baqsha daqyldarynyń tuqymdarymen tolyǵymen qamtylyp, sebildi.

Jeke qosalqy sharýashylyqtardyń birigýimen búginde aýdanda 5 sút baǵytynda, («Qaınar-Qordaı-2017», «Qasyq», «Bolashaq-2018», «Maısýp tegi», «Malıev»), 1 bal ónimin óndiretin («Ara Taý») jáne 8 kooperatıv egin baǵytynda («Almaly», «Karasaı», «Shenho-2017», «Samǵaý taý», «Dıas-2017» jáne «Qordaı Korm», «Masanshy-3», «Evrazııa AGRO LTD»)jumystaryn atqarýda. Aǵymdy jyly «KazMeatKordaı» JShS-i Kyrǵyzstan respýblıkasyna 107,8 tonna sıyr etin ótkizdi nemese bekitilgen mejege sáıkes ındıkator 179,7 paıyzǵa artty.

Sonymen qatar, «Pervomaıskıe delıkatesy» JShS-i 54,9 tonna qozy etin arab elderine ótkizdi.

Qazirgi ýaqyt talabyna saı tamshylatyp sýǵarý tehnologııasynyń kólemi 7627 gektarǵa jetti. Jospar boıynsha 380 gektarǵa ornatý josparlansa, búgingi kúnge naqty ornatylǵany 712 gektarǵa jetip, jospar 332 gektarǵa artyp otyr.

Sharýashylyqtar tarapynan 358,2 mln. teńgege, barlyǵy 25 dana tehnıka men qural-jabdyqtar alyndy. (Onyń ishinde: sharýashylyqtar óz qarajattaryna 10 dana tehnıkany 88,3 mln.tg aldy jáne 15 dana tehnıkany lızıngige 269,9 mln.tg aldy.)

«Sybaǵa» baǵdarlamasy boıynsha MIQ analyq basyn ımporttaý jospardaǵy 350 bastyń 235 basy jáne qoı malyn satyp alý jospardaǵy 5624 bastyń 2283 basy alyndy.